बन्दाकोभी बोकेर भारततर्फ जाँदै गरेको ट्रकमा भेटियो १५६ किलो गाँजा

सुरक्षा/अपराध

नेपाल लाइभ शनिबार, साउन १४, २०७९ १०:२८

विराटनगर– तरकारी बोकेको ट्रकमा लुकाएर भारततर्फ लैजाँदै गरिएको १५६ किलो गाँजा प्रहरीले १ जनालाई पक्राउ गरेको छ। विराटनगर महानगरपालिका–१५ स्थित २ नम्बर ढाँटदेखि प्रहरीले गाँजासहित १ जनालाई पक्राउ गरेको हो।

सशस्त्र प्रहरी बल बोर्डर आउट पोस्ट (बीओपी) रानी विराटनगरको टोलीले प्रदेश १–०२–००१ ख ८६७७ नम्बरको मिनी ट्रक चेकजाँच गर्दा ६ बोरा गाँजा भेटिएको थियो। ट्रकमा गाँजा भेटिएको खबरपछि इलाका प्रहरी कार्यालय रानीको टोली पुगेको थियो।

जिल्ला प्रहरी कार्यालय मोरङका प्रवक्ता प्रहरी नायव उपरीक्षक (डीएसपी) दिपक श्रेष्ठका अनुसार धनकुटाको शहिदभूमि गाँउपालिका–३ छिन्ताङका २९ वर्षीय विवेक राई चालक रहेको ट्रकमा ४६ बोरा बन्दाकोभी लोड गरिएको थियो। गाडीमा बन्दाकोभीका बोरा मुनी ६ बोरा गाँजा समेत भारततर्फ तस्करी गर्ने क्रममा प्रहरीले नियन्त्रणमा लिइएको हो।

प्रहरीले चेकजाँचपछि गाँजा भेटिएको मिनिट्रक, चालकसहित सम्पूर्ण सामान नियन्त्रणमा लिएर अनुसन्धान सुरु गरेको छ। इलाका प्रहरी कार्यालय रानीले चालक राईलाई हिरासतमा राखेर थप अनुसन्धान गरिरहेको डीएसपी श्रेष्ठले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सांसद गुरुङको निलम्वन फुकुवा गर्ने निर्णय पुनरावलोकन हुने

निर्माणको सिजनमा सिमेन्टको भाउ बढाउनु नाजायज : सांसदहरू

‘जलवायुमैत्री कृषि प्रणाली आवश्यक’