त्रिभुवन विमानस्थलबाट डेढ किलो सुनसहित एक भारतीय नागरिक पक्राउ

सुरक्षा/अपराध

नेपाल लाइभ बुधबार, साउन ११, २०७९ १८:३७

काठमाडौं–त्रिभुवन अन्तर्राष्ट्रिय विमानस्थलबाट डेढ किलो सुनसहित एक भारतीय नागरिक पक्राउ परेका छन्।

पक्राउ पर्नेमा भारतीय नागरिक राहदानी नम्बर एम ४९५०८९५ वाहक ४२ वर्षीय यूसुफ हारोन छन्। उनलाई विमानस्थल सुरक्षा कार्यालयको टोलीले बुधबार बिहान पक्राउ परेको हो।

विमानस्थलबाट अवैध रूपामा भन्सार छली लैजान लागेको १ किलो ६ सय १० ग्राम अर्धठोस सुन हारोनबाट बरामद भएको छ।

फ्लाई दुबईको उडानद्वारा दुबईबाट काठमाडौं आएका उनलाई विमानस्थलमा खटिएको प्रहरीले आगमन गेटमा जाँच गर्ने क्रममा भित्री वस्त्रमा प्लाष्टिकभित्र लुकाई ल्याएको सुनसहित फेला पारी पक्राउ गरेको हो।

उनलाई आवश्यक अनुसन्धान एवं कारबाहीका लागि त्रिभुवन विमानस्थल भन्सार कार्यालय गौचरमा पठाइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

कुनै पनि सरकारले काम दिन्छु भन्यो भने कसैले नपत्याउनु: महामन्त्री थापा

हिमोफिलियाका बिरामीलाई निशुल्क औषधी दिने स्वास्थ्यमन्त्री पौडेलको निर्णय

आज काठमाडौंको वायु प्रदुषण उच्च तहमा, साँझ ६ बजेसम्मै वायु प्रदूषण बढ्ने