म्याग्दी– म्याग्दीमा आर्थिक वर्ष २०७८/७९ मा ट्राफिक नियम उल्लंघन गर्ने नौ हजार ४५० सवारीसाधनका चालकलाई कारबाही गरेर ६३ लाख ९१ हजार राजस्व संकलन भएको छ।
प्रयोजनविपरीत, क्षमताभन्दा बढी यात्रु बोक्ने, गलत ठाउँमा पार्किङ गर्ने, चालक अनुमतिपत्र र सवारीधनीपत्र नभएकालाई कारबाही गरी उक्त राजस्व संकलन गरिएको हो।
जिल्ला ट्राफिक प्रहरी कार्यालयका प्रमुख प्रहरी नायब निरीक्षक इन्द्रबहादुर नेपालीका अनुसार एक हजार ९५३ मोटरसाइकल चालकलाई कारबाही गर्दा १४ लाख ४३ हजार, एक हजार ३४४ ट्र्याक्टर चालकबाट आठ लाख ९९ हजार, चार हजार ४३६ जिप/कार चालकबाट २९ लाख ६२ हजार, ५३६ बस चालकबाट तीन लाख २५ हजार र एक हजार १८१ ट्रक चालकबाट सात लाख ६२ हजार जरिवाना असुली भएको छ।
सबैभन्दा बढी वैशाखमा एक हजार २५० सवारीसाधनका चालकलाई कारबाही गर्दा नौ लाख १५ हजार जरिवाना असुली भएको नेपालीले जानकारी दए। आव २०७७/७८ मा चार हजार ८५० सवारीसाधनका चालकलाई कारबाही गरेर ३० लाख ७३ हजार राजस्व संकलन भएको थियो।
आव २०७६/७७ मा तीन हजार ६०० सवारीसाधनका चालकलाई कारबाही गरेर २२ लाख १९ हजार, २०७५/७६ मा ६ हजार २०० सवारीसाधनका चालकबाट ४१ लाख ९३ हजार तथा आव २०७४/७५ मा आठ हजार ४०० सवारीसाधनका चालकबाट ५७ लाख ६६ हजार राजस्व संकलन गरिएको नेपालीले बताए।
गत वर्ष म्याग्दीमा भएका १८ दुर्घटनामा १५ जनाको ज्यान गएको थियो। नौ जना गम्भीर र नौ सामान्य घाइते भएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764510879.png)
-1764146706.png)
-1763721444.png)
-1763559424.jpg)
-1764080971.png)
