काठमाडौं- श्रीलंकामा हजारौंको संख्यामा प्रदर्शनकारी जबरजस्ती प्रधानमन्त्री कार्यालयमा प्रवेश गर्ने प्रयास गरिरहेका छन्। केही प्रदर्शनकारी कार्यालयको गेटमा चढेका छन् भने केहीले गेट तोड्ने प्रयास गरिरहेका बीबीसीले जनाएको छ।
केही प्रदर्शनकारी सुरक्षाबलमाथि बोतल प्रहार गरिरहेका छन्। प्रधानमन्त्री कार्यालयमा सुरक्षा तैनाथी बढाइएको छ। भीड लगातार बढिरहँदा प्रदर्शन उग्र बन्दै गएको छ। प्रदर्शनकारीलाई हटाउनका लागि अश्रुग्यास प्रहार गरिएको छ।
राष्ट्रपति गोटाबाया राजपक्षे श्रीलंकाबाट भागेपछि रनिल विक्रमसिंघे कार्यवाहक राष्ट्रपति बनेका छन् र उनले देशमा संकटकाल घोषणा गरेका छन्। श्रीलंकाको संविधान अनुसार ३० दिन सम्म रनिल विक्रमसिंघे कार्यवाहक राष्ट्रपति रहने छन्।
प्रदर्शनकारीहरुले रनिल र गोटाबायाको राजीनामा माग गरिरहेका छन्।
प्रधानमन्त्री विक्रमसिंघेले सर्वदलीय सरकार बनेपछि पद त्याग गर्ने बताएका थिए तर प्रदर्शनकारी तत्काल उनको राजीनामा माग गरिरहेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
-1788425345.png)
