काठमाडौं–‘कान्छो आरोही’ को कीर्तिमान राख्न सफल शम्भु तामाङको राष्ट्रिय सम्मानका साथ अन्त्येष्टि गरिएको छ। काठमाडौँको स्वयम्भूमा सोमबार बौद्ध परम्पराअनुसार तामाङको अन्त्येष्टि गरिएको हो। तामाङको अन्तिम बिदाइमा संस्कृति, पर्यटन तथा नागरिक उड्डयनमन्त्री जीवनराम श्रेष्ठ पुगेका थिए। मन्त्री श्रेष्ठले राष्ट्रिय झण्डा ओढाइ नेपाल सरकारका तर्फबाट तामाङप्रति श्रद्धाञ्जली व्यक्त गरे।
लामो समयदेखि क्यान्सर रोगबाट पीडित तामाङको ७० वर्षको उमेरमा गत असार २३ गते बिहान निधन भएको थियो। पर्यटन मन्त्रालयको सिफारिसमा मन्त्रिपरिषद्को गत शुक्रबार बसेको बैठकले तामाङलाई राष्ट्रिय सम्मान दिने निर्णय गरेको थियो । नेपालको पर्वतारोहणबारे अन्तर्राष्ट्रिय जगतमा प्रवर्द्धन गर्न र नेपालका हिमाल प्रचार गर्न तामाङले अतुलनीय योगदान गरेको मन्त्री श्रेष्ठले बताए।
तामाङले १७ वर्ष ६ महिना १५ दिन उमेरमा सन् १९७३ मे ५ का दिन सगरमाथा आरोहण गरेका थिए। तामाङकै पहलमा नेपाल पर्वतारोहण संघको स्थापना भएको हो।रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788421610.png)
-1786602170.png)
-1786513116.png)
-1788421610.png)
