काठमाडौं–नवनियुक्त भौतिक पूर्वाधार तथा यातायातमन्त्री मोहम्मद इस्तियाक राईले रुग्ण आयोजना शून्यमा झार्ने तथा सवारी लाइसेन्स र इम्बोस्ड नम्बरका सम्बन्धमा आवश्यक अध्ययन गर्न सहसचिवको नेतृत्वमा समिति बनाउने निर्णयमा हस्ताक्षर गरेका छन्।
मन्त्री पदको सपथ लिइसकेपछि मन्त्रालयमा पुगेर कार्यभार सम्हाल्दै उनले दुई निर्णयमा हस्ताक्षर गरेका हुन्। ‘रुग्ण आयोजनालाई शून्यमा झार्न भनेर मैले निर्देशन नै दिएको छु। त्यसका लागि १५ दिनभित्र प्रतिवेदन पेश गर्न भनेको छु,’ उनले भने, ‘इम्बोस्ड नम्बर प्लेट र सवारी लाइसेन्सका विषयमा पनि त्यो आवश्यक भए नभएको बारेमा अध्ययन गरेर १५ दिनभित्र प्रतिवेदन दिन भनेको छु।’
उनले जाँच गर्ने प्रविधिको विकास नभइकन त्यसको आवश्यकता किन प･यो भन्ने विषयमा अध्ययन गरिने बताए।
बर्खे योजना सक्ने समस्या प्रत्येक वर्ष रहेको भन्दै उनले त्यसतर्फ पनि आफ्नो ध्यान जाने बताए। बेथिति नियन्त्रण गर्ने नै आफ्नो प्राथमिकतामा रहेको भन्दै उनले आवश्यक सुधारका लागि काम गर्ने बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
