काठमाडौं- शहरी विकाश मन्त्रीबाट आइतबार बिदा भएकी रामकुमारी झाँक्रीले नवनियुक्त मन्त्री मेटमणि चौधरीलाई बधाई तथा सफल कार्यकालको शुभकामना दिएकी छन्।
आइतबार पुनर्गठन गरिएको मन्त्रिपरिषद्मा झाँक्री कै दल एकीकृत समाजवादीका नेता चौधरीलाई शहरी विकास मन्त्री नियुक्त गरिएको छ।
समाजवादीको जेठ २२ को सचिवालय बैठकले झाँक्रीसहितका मन्त्रीलाई फिर्ता बोलाएर नयाँलाई जिम्मेवारी दिने निर्णय गरेसँगै उक्त दलमा बिबाद देखिएको थियो । मन्त्रीबाट बाहिरिनु पर्ने र सिफारिस भएका नेताहरुबीचको सम्बन्धमा समेत दरार आएको थियो।
यसबीचमा सचिवालय बैठकले गरेको निर्णय कार्यान्वयन नगरेको भन्दै प्रधानमन्त्री शेरबहादुर देउवामाथि नेतृत्वले दबाब दिएको थियो भने बजेट पास हुनु अघि नहटाउन मन्त्रीहरुले दबाब दिएका थिए।
एकीकृत समाजवादीको बैठकले पुन: दबाब दिएसँगै उक्त दलका मन्त्रीहरुले हिजो राजीनामा बुझाएका थिए। राजीनामा लगत्तै नयाँ मन्त्रीहरुले जिम्मेवारी पाएका छन्। उनीहरुले सोमबार शपथ लिएका छन्।
मन्त्रीबाट बिदा हुँदा रोएकी झाँक्रीले सोमबार सामाजिक सञ्जालबाट मन्त्री बनाउने र सहयोग गर्ने सबैलाई धन्यवाद दिएकी छन्।
उनले आफूले पदमा रहँदा इमानका साथ सोझो मनले, जनताको भलो चिताएर आफ्नो शतप्रतिशत कर्म लगाएको उल्लेख गर्दै त्यसका परिणामहरू आइरहेका र आइरहने उल्लेख गरेकी छन्। नीतिगत क्षेत्रमा गरेको रूपान्तरण ठूलो डिपास्चर हो भन्नेमा दुई मत नभएको उनले बताएकी छन्।
उनले नवनियुक्त मन्त्रीले आफूले नीतिगत रुपमा अगाडि बढाएका विषयलाई निरन्तरता दिने छन् भन्नेमा ढुक्क रहेको उल्लेख गर्दै चौधरीलाई बधाई तथा सफल कार्यकालको शुभकामना दिएकी छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788257020.png)
-1786602170.png)
-1786513116.png)
