काठमाडौं- नेकपा एकीकृत समाजवादीका अध्यक्ष माधव कुमार नेपालले शक्ति कम भएर अहिले दबिएर बस्नु परेको भन्दै संगठन विस्तारमा खट्न नेता कार्यकर्तालाई निर्देशन दिएका छन्।
आइतबार पार्टी निकटकको अखिल नेपाल महिला संघ (समाजवादी) को एक कार्यक्रममा नेता नेपालले शक्ति कम भएका कारण दबिर बस्नु परिरहेको बताएका हुन्।
उनले चुनाव जितेर शक्ति आर्जन गर्न आवश्यक रहेको र त्यसका लागि तल्तो तहसम्म जनसंगठन र शाखाहरु आवश्यक रहेको उनले बताए।
'चुनाव जित्नका लागि अहिले देखिनै पार्टी र जनसंगठनका शाखाहरु बनाउनु पर्छ' अध्यक्ष नेपालले भने, ' युवा समूह, आमा समूह लगायत अन्य विभिन्न संगठन र समूह बनाएर मानिसलाई आफ्नो वरिपरी गोलबन्ध गर्नु पर्छ' उनले भने।
आफ्ना विचार र योजनाहरुलाई स्पष्टसँग राख्न नसके जित निकाल्न नसकिने उनको भनाइ थियो। स्वतन्त्र उम्मेदवारहरुले देशका विभिन्न स्थानमा जितेको उदाहारण दिँदै उनले त्यसबाट सिक्नु पर्ने बताए। काम इमान्दारिता र लगातारको लगनशिलताले हुने र त्यसपछी मात्र परिणाम आउने भन्दै उनले पार्टी नेता कार्यकर्तालाई इमान्दार र लगनशिल भएर काम गर्न निर्देशन दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1777870461-1777874031.jpg)
-1764146706.png)
