काठमाडौं– नेकपा एकीकृत समाजवादीका अध्यक्ष माधवकुमार नेपालले स्थानीय तहको निर्वाचनमा कांग्रेस र माओवादी केन्द्रले गठबन्धनलाई आफ्नो हितमा मात्रै प्रयोग गर्न चाहेको उल्लेख गरेका छन्।
शनिबार बसेको केन्द्रीय कमिटी बैठकमा पेस गरिएको पार्टीको प्रथम (असार १३–१४) केन्द्रीय परिषद् बैठकमा प्रस्तुत गरिने राजनीतिक तथा सांगठनिक प्रतिवेदनमा निर्वाचनको सन्दर्भमा देखिएका तीनथरी समस्याबारे चर्चा गरेका छन्। पहिलो–गठबन्धनभित्रका समस्या, दोस्रो–आफ्नै पार्टीभित्रका समस्या र तेस्रो–प्राविधिक एवं प्रशासनिक समस्या।
गठबन्धनभित्र देखापरेका समस्याहरूलाई पनि अध्यक्ष नेपालले बुँदागत रुपमा उल्लेख गरेका छन्। पहिलो–गठबन्धन गर्न नै नचाहने, दोस्रो–गठबन्धनमा भएको निर्णय कार्यान्वयन नगर्ने र तेस्रो–गठबन्धनभित्र पनि उपगठबन्धन गर्ने।
यस्तै उनले गठबन्धन भएका स्थानमा पनि इमान्दारितापूर्वक मत नहालिएको उल्लेख गरेका छन्। गठबन्धनमै रहेका दलले पनि स्थानीय तहमा गठबन्धन बाहिरका दलसँग चुनावी तालमेल गर्दा आफूहरुको अपेक्षित परिणाम नआएको नेता नेपालको भनाइ छ।
उनले गठबन्धनमा आबद्ध दलभित्र पनि सहकार्यको भावना ज्यादै कमजोर भएको टिप्पणी गरेका छन्। कांग्रेस र माओवादीले गठबन्धनलाई आफ्नो हितमा मात्रै प्रयोग गर्न चाहेको प्रतिवेदनमा उल्लेख गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
