कोभिड १९ संकट व्यवस्थापन विधेयक प्रस्तुत

राजनीति

रासस बुधबार, असार ८, २०७९ १७:२८

काठमाडौं– राष्ट्रिय सभाको बुधबारको बैठकमा कोभिड–१९ संकट व्यवस्थापन विधेयक, २०७८ प्रस्तुत भएको छ। बैठकमा स्वास्थ्य तथा जनसंख्यामन्त्री विरोध खतिवडाले सो विधेयक प्रस्तुत गरेका थिए।

विधेयक प्रस्तुत नगर्न कुनै पनि सदस्यबाट विरोधको सूचना प्राप्त नभएको सभाका अध्यक्ष गणेशप्रसाद तिमिल्सनाले जानकारी गराए।

बुधबारको बैठकमा विनियोजन विधेयक, २०७९ अन्तर्गत शिक्षा, विज्ञान तथा प्रविधि मन्त्रालय, उद्योग, वाणिज्य तथा आपूर्ति मन्त्रालय, संस्कृति, पर्यटन तथा नागरिक उडड्यन मन्त्रालय, भौतिक पूर्वाधार तथा यातायात मन्त्रालय, परराष्ट्र मन्त्रालय, खानेपानी मन्त्रालय र स्वास्थ्य तथा जनसङ्ख्या मन्त्रालयका विभिन्न शीर्षकमाथि सदस्यले छलफलमा भाग लिने क्रम सकिएको छ।