काठमाडौं- परराष्ट्रमन्त्री नारायण खड्काले प्रधानमन्त्री शेरबहादुर देउवाको अमेरिका भ्रमणको तयारीलाई शंकाको दृष्टिले नहेर्न आग्रह गरेका छन्।
मंगलबार प्रतिनिधि सभामा परराष्ट्र मन्त्रालयका लागि विनियोजित बजेटमाथि सांसदहरुले उठाएका प्रश्नहरुको जवाफ दिँदै मन्त्री खड्काले प्रधानमन्त्री देउवाको अमेरिका भ्रमणलाई शंकाका दृष्टिले नहेर्न आग्रह गरेका हुन्।
दुई पक्ष सम्बन्धलाई थप मजबुत बनाउन, आपसी सम्बन्धलाई गति प्रदान गर्न र सम्बन्धका नयाँ आयाम ल्याउनको लागि दुई देशको भ्रमण तथा छलफलहरु अपरिहार्य रहेको उनको भनाइ थियो।
मन्त्री खड्काले अमेरिकी जर्नेलको नेपाल भ्रमण ‘स्टेट पार्टनरशिप प्रोग्राम’ (एसपीपी) मा हस्ताक्षरका लागि नभएको दाबी गरे। उनले जर्नेलको भ्रमणमा एसपीपीमा हस्ताक्षर अर्थात् अमेरिकी सैन्य गठबन्ध गर्ने विषय हल्ला मात्रै भएको दाबी गरे।
'अमेरिकाका जर्नेलको नेपालको भ्रमण र उहाँको भेटघाट यो कँही अमेरिकी सैन्य गठबन्धनमा नेपाललाई लाने प्रश्ताव हो की, भन्ने १० बुँदे केही पत्रपत्रिकाले लेखेका छन्। स्टेट पार्टनरशीप अन्तर्गत हिजोको दिनमा एमसीसी आइरहँदा हामीले इन्डोप्यासेफिकका कुरा गर्यौं। यसमा कुनै गठबन्धनमा सहभागि हुने कुरा भएको छैन। सैन्य गठबन्धनमा फस्न लाग्यो नेपाल भन्ने बाहिर आएको छ। त्यो होइन' उनले भने, 'नेपाली काँग्रेस नेतृत्वको सरकार स्वाभीमानी,राष्ट्रवादी र देशभक्ति रहेको छ। विगतमा प्रधानमन्त्री, राष्ट्रपतिको भ्रमण हुँदा कुरा उठेनन्। कहिले काँही यस्तो विषयहरु उठाइने गरिएको छ। तर संसदमा म पूर्ण विश्वासकासाथ निवदेन गर्न चाहान्छु । स्वाभीमानी, ,राष्ट्रवादी र मुलुकको हीतमा काम गर्ने सरकारले कुनै खालका सैन्य गठबन्धनमा जाँदैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
