काठमाडौं– नेकपा माओवादी केन्द्रका नेता वर्षमान पुनले मन्त्रीहरु फेर्ने विषयमा आफ्नो पार्टीभित्र पनि आवाज उठिरहेको बताएका छन्।
बुधबार संघीय संसद् भवन बानेश्वरमा सञ्चारकर्मीसँग बोल्दै नेता पुनले माओवादी पार्टीबाट सरकारमा मन्त्री बनेकाहरुलाई फेर्नुपर्ने आवाज उठिरहेको बताए।
नेकपा एकीकृत समाजवादीले मन्त्रीहरु फेर्ने निर्णय गरेसँगै माओवादी केन्द्रलाई पनि मन्त्रीहरु फेर्न दबाब परेको बताए। मन्त्री फेर्नेबारे पार्टीभित्र कुनै छलफल भने नभएको उनको भनाइ छ।
'हाम्रोमा अहिलेसम्म कुनै छलफल त भएको छैन, समाजवादीका साथीहरुले पुरै सेट फेरिसकेपछि हाम्रोमा पनि दबाब छ। कांग्रेसमा पनि दबाब छ। जसपामा दबाब छ। यो दबाबलाई नेताहरुले कति थेग्नुहुन्छ थाहा छैन,' पुनले भने, 'हाम्रो अझै छलफल सुरु भएको छैन। अहिले फेर्नुपर्छ कि भन्नेखालका आवाजहरु उठिरहेको छ।’
माओवादी केन्द्रकै नेता गिरिराजमणि पोखरेलले भने संसद्मा मन्त्रालयगत छलफल प्रारम्भ भएको बेलामा मन्त्री फेर्न नमिल्ने बताए। अहिले मन्त्रिपरिषद् हेरफेर गर्नु संयुक्त सरकारको सोचसँग मेल नखाने उनको भनाइ छ।
'सरकारमा फेरबदल नै गर्नुपर्ने भएपनि, पहिलो त संयुक्त सरकार हो यो। संयन्त्र छ। आचारसंहिताहरु छन्। मन्त्रालयको छलफल प्रारम्भ गर्ने अनि मन्त्रीहरु बदल्छु भनेर कहीँ मिल्छ त्यो?' पोखरेलले भने, 'त्यो संयुक्त सरकारको सोचसँग मेल खाएन।'
नेता पोखरेलले गठबन्धनका शीर्ष नेताहरु बसेर मन्त्री हेरफेर गर्ने निर्णय सच्याइसकेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
