काठमाडौं– राष्ट्रिय सभाका सांसदले देशैभरी भएका महिला हिंसा, हत्या र बलात्कारका घटनामा संलग्न व्यक्तिलाई कडा कारबाही गर्न सरकारको ध्यानाकर्षण गराएका छन्।
राष्ट्रिय सभामा बुधबारको बैठकको शून्य समयमा सांसद जयन्तीदेवी राईले दार्चुलाकी एक महिलालाई जिउँदै जलाएर मारिएको घटनाप्रति भत्र्सना गर्दै दोषी उपर कारबाही गर्न माग गरिन्।
उनले भनिन्, ‘महिलाले कहिलेसम्म हिंसाको नामका ज्यान गुमाउनुपर्ने हो? यस्ता घटनामा संलग्न व्यक्तिलाई सरकारले किन कारबाही गर्न सक्दैन?’
सांसद नरबहादुर विष्टले सामाजिक सञ्जालमा महिला हिंसाका घटनाबारे भएका जथाभावी अश्लील भिडियो प्रसारण गर्ने व्यक्तिलाई कारबाहीको माग गरे।
सांसद उद्यबहादुर बोहराले सल्यानमा काठको तस्करी भइरहेकाबारे ध्यानाकर्षण गराउँदै मापदण्ड विपरीत क्रसर सञ्चालन गर्ने र नदी उत्खनन गर्नेलाई कारबाही हुनुपर्नेमा जोड दिए।
यस्तै सांसद गोपालकुमार बस्नतले भने, ‘ठेक्का प्रक्रिया सुरु गर्ने तर ठेक्काको काम अधुरो छाड्ने ठेकदारमाथि कारबाही हुन्छ कि हुँदैन?’
सांसद तुलप्रसाद विश्वकर्माले नवलपरासी–पूर्वमा पछिल्लो समयमा भएको जातीय भेदभाव तथा छुवाछूतको घटनालाई जबरजस्ती मिलापत्र गरिएको भन्दै आपत्ति जनाइन्।
सांसद नारणदत्त मिश्रले रासायनिक मलको अभाव पूर्ति गर्न सरकारको ध्यानाकर्षण गराए। सांसद भुवनबहादुर सुनार, मदनकुमारी शाह (गरिमा) र युवराज शर्माले मुलुकको समसामयिक विषयमा सरकारको ध्यानाकर्षण गराएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764508750.jpg)
-1764146706.png)
-1763721444.png)
-1763559424.jpg)
-1764080971.png)
