काठमाडौं– नेकपा एमालेकी सांसद गंगा चौधरीले अहिले महिला मात्र नभएर पुरुषहरु पनि पीडित रहेको बताएकी छन्। बलात्कारसम्बन्धी कसुरको मुद्दामा हदम्याद घटाउने कार्य गर्दा धेरै मुद्दाहरुको चाङ लाग्ने भइ मुद्दाको सुनुवाइ नै हुन नसक्ने अवस्था आउन सक्ने चौधरीको भनाइ छ।
यौन हिंसा विरुद्धका केही ऐनलाई संशोधन गर्न बनेको विधेयकमाथिको छलफलका क्रममा सोमबार प्रतिनिधि सभा बैठकमा बोल्दै चौधरीले यौन हिंसा आफैंमा जघन्य अपराध भएको, तर कानुमा सबैको अनुहार देखिनुपर्ने टिप्पणी गरिन्।
सबैका लागि समान रुपले लागू हुने गरी कानुन निर्माण गरिनुपर्ने चौधरीको भनाइ छ। संसद्ले भावनामा बगेर कानुन निर्माण गर्न नहुने उनको भनाइ छ।
‘महिला हुँ भन्दैमा महिलाको मात्र भावना राखेर हुँदैन,’ उनले भनिन् ‘जबसम्म मन मिल्यो अनि लब, नमिले बलत्कार हुने गरेका छन्।’
उनले पूर्व सभामुख कृष्णबहादुर महरा अनाहकमा ६ महिना जेल बस्नु परेको पनि सुनाइन्। कलाकार पल शाह प्रकरणमा पीडितको नाम नै लिएर संसदमा बोलिन्। सबै महिला पीडित नभएको, धेरै भएको, तर पुरुषहरु पनि पीडित भएको चौधरीको भनाइ छ।
कुन–कुन अवस्थामा हदम्याद राख्ने त्यसमा बहस हुनुपर्ने, तर सबैमा हटाउन नहुने चौधरीको मत छ। विवाह गर्ने उमेर २० वर्षबाट घटाउनुपर्ने पनि चौधरीले माग गरिन्।
महिलाहरुका महिला आयोग भएजस्तै पुरुषहरुका लागि यस्तै निकाय आवश्यक हुने चौधरीको भनाइ छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1772271039.png)
