काठमाडौं- नेकपा एकीकृत समाजवादीले आफ्नो दलबाट मन्त्री बनाएकाहरुलाई परिर्वतन गर्ने निर्णय गरेको छ। आइतबार बसेको एकीकृत समाजवादीको सचिवालय बैठकले यसअघिका मन्त्रीहरुलाई फिर्ता बोलाउँदै उक्त स्थानमा नयाँ नाम पठाएको छ। चार मन्त्रालयमा नयाँ नाम सिफारिस गरेको एकीकृत समाजवादीले स्वास्थ्यमा भने राज्यमन्त्रीलाई नै बढुवा गरेको छ।
रामकुमारी झाँक्रीको स्थानमा शहरी विकास मन्त्रीमा मेटमणि चौधरीले जिम्मेवारी पाउने पार्टीको सिफारिसमा उल्लेख छ। पार्टी अध्यक्ष माधव कुमार नेपालले नयाँ मन्त्रीहरुको सूची प्रधानमन्त्री शेरबहादुर देउवालाई बुझाएका छन्। उनीहरुको सपथका विषययमा टुङ्गो लागेको छैन। मन्त्रीको सूचीमा परेका चौधरीले समय धेरै बाँकी नभएपछि यो अवधीमा आफूले सक्दो राम्रो काम गर्ने प्रतिक्रिया दिए।
पार्टी कार्यालयमा पत्रकारसँग कुरा गर्दै चौधरीले राजनीति गरेपछि यस्तो अवसर आउँदै गर्ने तर आगामी निर्वाचनको मुखमा जिम्मेबारी पाएकाले पार्टीको प्रतिष्ठा र इज्जत राख्नेगरि काम गर्ने बताए। उनले पार्टी अध्यक्षले पनि यही निर्देशन दिएकोले आफ्नो तर्फबाट सक्दो राम्रो गर्ने बताए।
‘पार्टीको नीतिलाई उच्च राख्दै काम गर्न र समाजवादीका मन्त्रीहरु फरक छन् भन्ने गरेर देखाउन निर्देशन पार्टी अध्यक्षले गर्नु भएको छ ’, उनले भने, ‘थोरै समय छ, अध्यक्षको निर्देशन अनुसार काम गर्छौ ।’उनी यसअघि पनि मन्त्री बन्ने सूचीमा थिए तर अन्तिम समयमा उनी अटाएका थिएनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
