काठमाडौं- नेकपा एमालेका स्थायी कमिटी सदस्य घनश्याम भूसाललाई एमाले सचिवालयले स्पष्टीकरण सोध्ने भएको छ। अनुशासन अनुशासन आयोगको सिफारिसअनुसार स्पष्टीकरण सोध्न तयारी गरिएको सचिवालयका एक नेताले बताए।
अध्यक्ष केपी शर्मा ओलीको सार्वजनिक रुपमा आलोचना गरेर अनुशासन भंग गरेको भन्दै शनिबार एमाले अनुशासन आयोगले भूसाललाई कारबाहीको सिफारिस गरेको थियो।
'पार्टी हितविरुद्ध काम गरेको तथा बोलेको भनेर अनुशासन आयोगले कारबाहीका लागि निर्णय गरेर पठाएको छ। पहिलो चरणमा उहाँलाई स्पष्टीकरण सोधिनेछ। चित्तबुझ्दो जवाफ नआए कारबाही हुनेछ,' ती सचिवालय सदस्यले भने।
भूसालमाथि पार्टीका विरुद्ध, अध्यक्ष ओलीविरुद्ध, पार्टी नीतिविरुद्ध र पार्टीको महाधिवेशनविरुद्ध काम गरेको पाइएको अनुशासन आयोगले सचिवालयलाई गराएको जानकारीमा भनिएको छ।
अध्यक्ष ओलीको कार्यशैलीमाथि सुरुदेखि नै प्रश्न उठाउँदै आएका भूसालले गत जेठ ८ गते एक टिभी अन्तवार्तामा ओलीको आलोचना गरेका थिए।
स्थानीय तहको निर्वाचनमा ओलीको कार्यशैली असफल भएको उनको टिप्पणी थियो। ओलीका कारण अझै बर्बाद हुने अवस्था बनेपनि जनताले इतिहासको मूल्यांककन गरेको उनको भनाइ थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
