काठमाडौं– काठमाडौं महानगरपालिकाका मेयर बालेन्द्र शाह (बालेन शाह)ले माओवादी केन्द्रका अध्यक्ष पुष्पकमल दाहाल (प्रचण्ड)सँग भेट गरेका छन्।
प्रचण्डलाई भेट्न बालेन शनिबार बिहान प्रचण्डको निजी निवास ललितपुरको खुमलटार पुगेका थिए।
भेटका क्रममा प्रचण्ड र बालेनबीच काठमाडौं उपत्यकाको फोहोर व्यवस्थापन लगायत समग्र विकासका विषयमा कुराकानी भएको प्रचण्डको निजी सचिवालयले जानकारी दिएको छ।
काठमाडौं महानगरको मेयरमा स्वतन्त्र उम्मेदवारको रुपमा विजयी बालेनलाई बधाईं दिँदै प्रचण्डले उनको जित क्रान्ति भएको उल्लेख गरे।
'तपाईंको जित ठूलो कुरा हो, क्रान्ति हो,' प्रचण्डले बालेनसँग गरेको कुराकानी गर्दै उनको सचिवालयका एक सदस्यले भने, 'पहिलेकाहरू कुनै एउटा पार्टीसँग एलाइन भएर अर्को पार्टीलाई गाली गर्ने सिस्टम थियो। तर, तपाईंले पहिलोपटक सबैलाई मिलाएर काम गरिरहनुभएको छ, त्यो सरहानिय छ।'
प्रचण्डले बालेन र बालेनजस्तै स्वतन्त्रलाई सदैव आफ्नो र आफ्नो पार्टीको सहयोग रहेन पनि बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787755120.jpg)
-1786602170.png)
-1786513116.png)
