कुन उप-महानगरलाई कति बजेट?

राजनीति

नेपाल लाइभ शुक्रबार, जेठ २०, २०७९ १३:५९

काठमाडौं– आर्थिक वर्ष ०७९/०८०का लागि ११ वटा उप–महानगरपालिकालाई संघीय सरकारले कूल १० अर्ब ४२ करोड ३१ लाख बजेट विनियोजन गरेको छ। विनियोजित बजेट विभिन्न शीर्षकमा छुट्याइएको छ।

सरकारले उप–महानगरलाई विनियोजन बजेट यसप्रकार छः

प्रदेशः १
जिल्लाः सुनसरी

१. धरान उपमहानगरपालिका

धरान उप–महानगरपालिकामा चालू खर्चतर्फ ७७ करोड २१ लाख र पुँजीगत खर्चतर्फ ५ करोड ८३ लाख गरेर कुल ८३ करोड ४ लाख वजेट विनियोजन गरिएको छ। जसअन्तर्गत समानीकरण अनुदानमार्फत् जम्मा ३५ करोड २८ लाख, शशर्त अनुदानमार्फत् जम्मा ४६ करोड २६ लाख, र विशेष अनुदानमार्फत् जम्मा १ करोड ५० लाख छुट्याइएको छ।

२. इटहरी उप–महानगरपालिका

इटहरी उप–महानगरपालिकामा चालू खर्चतर्फ ७४ करोड ११ लाख र पुँजीगत खर्चतर्फ २१ करोड १२ लाख गरेर कूल ९५ करोड २३ लाख बजेट विनियोजन गरिएको छ। जसअन्तर्गत समानीकरण अनुदानमार्फत् जम्मा ३४ करोड ९७ लाख, शशर्त अनुदानमार्फत् ४६ करोड ७६ लाख, विशेष अनुदानमार्फत् ९ करोड र समपुरक अनुदानतर्फ ४ करोड ५० लाख रुपैयाँ छुट्याइएको छ।

प्रदेशः मधेश
जिल्लाः धनुषा

३. जनकपुरधाम उप–महानगरपालिका

धनुषाको जनकपुरधाम उप–महानगरपालिकामा चालू खर्चतर्फ ९१ करोड ३८ लाख र पुँजीगत खर्चतर्फ ४ करोड ३६ लाख गरेर कूल ९५ करोड ७४ लाख रुपैयाँ बजेट विनियोजन गरिएको छ। जसअन्तर्गत समानीकरण अनुदानमार्फत जम्मा ३७ करोड ६४ लाख र शशर्त अनुदानमार्फत् जम्मा ५८ करोड १० लाख छुट्याइएको छ।

जिल्लाः बारा

४. कलैया उप–महानगरपालिका

यस उप–महानगरपालिकामा सरकारले चालू खर्चतर्फ ८० करोड ४ लाख र पुँजीगत खर्च तर्फ १२ करोड १४ लाख गरेर कूल ९२ करोड १८ लाख रुपैयाँ विनियोजन गरेको छ। जसअन्तर्गत समानीकरण अनुदानमार्फत् जम्मा ३१ करोड १५ लाख, शशर्त अनुदानमार्फत् जम्मा ५३ करोड ५३ लाख, विशेष अनुदानमार्फत ३ करोड ५० लाख र समपुरक अनुदानमार्फत् ४ करोड रुपैयाँ छुट्याइएको छ।

५. जितपुर सिमरा उप–महानगरपालिका

यस उप–महानगरपालिकामा चालू खर्चतर्फ ७४ करोड ३८ लाख र पुँजीगत खर्चतर्फ ६ करोड ७३ लाख गरेर कूल ८१ करोड ११ लाख रुपैयाँ बजेट विनियोजन गरिएको छ। जसअन्तर्गत समानीकरण अनुदानमार्फत् जम्मा ३० करोड ७८ लाख, शशर्त अनुदानमार्फत् जम्मा ४८ करोड ६७ लाख र विशेष अनुदानमार्फत् १ करोड ६६ लाख रुपैयाँ छुट्याइएको छ।

प्रदेशः बागमती
जिल्लाः मकवानपुर

६. हेटौंडा उप–महानगरपालिका

हेटौंडा उप–महानगरपालिकामा चालू खर्चतर्फ १ अर्ब ४ करोड २२ लाख र पुँजीगत खर्चतर्फ २ करोड ७३ लाख गरेर कूल १ अर्ब ६ करोड ९५ लाख रुपयाँ बजेट विनियोजन गरिएको छ। जसअन्तर्गत समानीकरण अनुदानमार्फत् जम्मा ३५ करोड ७५ लाख र शशर्त अनुदानमार्फत् जम्मा ७१ करोड २० लाख रुपैयाँ छुट्याइएको छ।

प्रदेशः लुम्बिनी
जिल्लाः रुपन्देही

७.बुटवल उप–महानगरपालिका

यस उप–महानगरपालिकामा चालू खर्चतर्फ ७५ करोड ९६ लाख र पुँजीगततर्फ १० करोड ४७ लाख गरेर कूल ८६ करोड ४३ लाख रुपैयाँ बजेट विनियोजन गरिएको छ। जसअन्तर्गत समानीकरण अनुदानमार्फत् जम्मा ३४ करोड ८० लाख, शशर्त अनुदानमार्फत् जम्मा ४५ करोड २३ लाख र समपुरक अनुदानमार्फत् ६ करोड ४० लाख रुपैयाँ छुट्याइएको छ।

जिल्लाः दाङ

८.घोराही उप–महानगरपालिका

सरकारले दाङको घोराही उप–महानगरपालिकाका लागि चालू खर्चतर्फ ९९ करोड ६७ लाख र पुँजीगत खर्चतर्फ १० करोड ३० लाख गरेर कूल १ अर्ब ९ करोड ९७ लाख रुपैयाँ बजेट विनियोजन गरेको छ। जसअन्तर्गत समानीकरण अनुदानमार्फत् जम्मा ३५ करोड ९५ लाख, शशर्त अनुदानमार्फत् जम्मा ७१ करोड २ लाख, विशेष अनुदानमार्फत् जम्मा २ करोड र समपुरक अनुदानमार्फत् १ करोड रुपैयाँ छुट्याइएको छ।

९.तुल्सीपुर उप–महानगरपालिका

यस उप–महानगरपालिकामा चालू खर्चतर्फ ८९ करोड ९० लाख र पुँजीगत खर्चतर्फ ९ करोड ५३ लाख गरेर कुल ९९ करोड ४३ लाख रुपैयाँ बजेट विनियोजन गरिएको छ। जसअन्तर्गत समानीकरण अनुदानमार्फत् ३३ करोड ६२ लाख, शशर्त अनुदानमार्फत ६२ करोड ९१ लाख, विशेष अनुदानमार्फत् १ करोड ३० लाख र समपुरक अनुदानमार्फत् जम्मा १ करोड ६० लाख रुपैयाँ छुट्याइएको छ।

जिल्लाः बाँके

१०. नेपालगञ्ज उप–महानगरपालिका

सरकारले नेपालगन्ज उप–महानगरपालिकामा चालू खर्चतर्फ ८२ करोड ७७ लाख र पुँजीगत खर्च तर्फ १२ करोड ९८ लाख गरेर कूल ९५ करोड ७५ लाख रुपैयाँ बजेट विनियोजन गरेको छ। जसअन्तर्गत समानीकरण अनुदानमार्फत् जम्मा ३३ करोड ९९ लाख, शशर्त अनुदानमार्फत् जम्मा ५७ करोड १ लाख, विशेष अनुदानमार्फत जम्मा २ करोड र समपुरक अनुदानमार्फत् २ करोड ७५ लाख रुपैयाँ छुट्याइएको छ।

प्रदेशः सुदूरपश्चिम
जिल्लाः कैलाली

११. धनगढी उपमहानगरपालिका

सुदूरपश्चिमकै एक मात्र उप–महानगरपालिकाका रूपमा रहेको धनगढीमा चालू खर्चतर्फ ८३ करोड ९७ लाख र पुँजीगत खर्चतर्फ १२ करोड ५१ लाख गरेर कूल ९६ करोड ४८ लाख रुपैयाँ बजेट विनियोजन गरिएको छ। जसअन्तर्गत समानीकरण अनुदानमार्फत् ३२ करोड ८० लाख, शशर्त अनुदानमार्फत् ५८ करोड १८ लाख, विशेष अनुदानमार्फत् २ करोड २० लाख र समपुरक अनुदानमार्फत् ३ करोड ३० रुपैयाँ छुट्याइएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

मुस्लिम समुदायको अधिकार कार्यान्वयनमा माओवादी गम्भीर : अध्यक्ष दाहाल

जापानमा जन्मदर नयाँ ऐतिहासिक न्यूनस्तरमा

७८ सहसचिवको एकैपटक सरुवा तथा पदस्थापन [सूची]