छुट्टाछुट्टै घटनामा बैतडीमा दुई जनाको मृत्यु

समाचार

रासस शुक्रबार, जेठ २०, २०७९ ०७:४९

बैतडी– छुट्टाछुट्टै घटनामा बैतडीमा दुई जनाको मृत्यु भएको छ। एक जनाको भिरबाट लडेर तथा अर्को एक जना मृत फेला परेका छन्।

पाटन नगरपालिका–६ खिपालीका ४१ वर्षीय भानदेव अवस्थीको भिरबाट लडेर मृत्यु भएको हो। बिहीबार साँझ खिपाली नजिकैको बान्नरो भिरबाट लडेका अवस्थीको घटनास्थलमै मृत्यु भएको पाटन नगरपालिका–६ का वडाध्यक्ष राजेन्द्रसिंह विष्टले जानकारी दिए।

यस्तै, सिगास–१ किनाराधुराका ५२ वर्षीय गगनसिंह धामी मृत फेला परेका छन्। धामी स्थानीय गाजरीबजार नजिकै बिहीबार मृत फेला परेका इलाका प्रहरी कार्यालय पाटनका प्रमुख, प्रहरी निरीक्षक कमल चौधरीले जानकारी दिए।

घटनाबारे प्रहरीले अनुसन्धान थालेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।