काठमाडौं– नेपाली कांग्रेसका महामन्त्री एवं प्रतिनिधि सभा सदस्य गगनकुमार थापाले बजेट समग्रमा राम्रो भएपनि केही प्रश्नहरु सिर्जना गरेको टिप्पणी गरेका छन्।
प्रतिनिधि सभामा बजेटमाथिको छलफलमा भाग लिँदै उनले आयात घटाउने, कृषिमा लगानी र पेट्रोलियम पदार्थमा राखिएका कार्यक्रम राम्रो भएको तर, बजेटमा केही प्रश्न रहेको बताए।
‘राजश्व वृद्धि हुन्छ भन्ने आधार के हो? उनले सोधे, ‘आयात घटाउँदै गर्दा राजश्व बढ्ने आधार के हो? मलाई कसरी आश्वस्त पार्नुहुन्छ?’
उनले वैदेशिक सहयोग ५५ अर्ब आउने आधार के हो? भनेर समेत सोधे। थापाले यो वर्ष अघिल्लो पटक हुन नसकेको पुँजीगत खर्च कसरी बढाउँछ भन्ने आधार के हो भनी प्रश्न गरे।
उनले प्रदेश र स्थानीय तहलाई दिने पैसामा खासै परिर्वतन नभएको उनले बताए। उनले विद्युतीय गाडीमा कर लगाउने कुरा पनि कहाँबाट आएको भनेर सोधे?
'चितवन छिटो जाने योजना कसले ल्याएको हो?', थापाले सोधे।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
