काठमाडौं– नेकपा एमालेका सांसद तथा पूर्वअर्थमन्त्री सुरेन्द्र पाण्डेले सरकारले अहिले देशमा देखिएको संकट व्यवस्थापन गर्नका लागि बजेटमा कुनै स्पेस नदिइएको आरोप लगाएका छन्।
मूल्यवृद्धि, महँगी र आर्थिक मन्दी चुलिन लागेका बेला सरकारले ल्याएको बजेटमा यस्ता समस्या सामाधानका लागि कुनै ठोस योजना नभएको उनको भनाइ छ। संघीय संसद्मा बजेटमाथि भइरहेको छलफलमा भाग लिँदै नेता पाण्डेले विश्वमा बढ्दै गएको आर्थिक संकटलाई हेरेर बजेट ल्याउनुपर्ने भए पनि त्यसतर्फ ध्यान नदिएको बताए।
संकट समाधान गर्ने खालको बजेट ल्याउनुभन्दा उल्टै प्रतिपक्षलाई नै हिजो यस्तो बजेट आएको थियो भन्दै सरकारले प्रश्न गर्न थालेको उनको आरोप छ।
उनले भने, ‘संकटको बेला सरकार प्रतिपक्षलाई हिजो तिमीहरूले यस्तो बजेट ल्याएका थियौ भनेर आरोप लगाएर बसेको छ। हिजो हामीले ल्याएको बजेटमा देशमा आर्थिक संकट थियो? खाद्यान्नको मूल्य यसरी बढेको थियो ? केही भएको थिएन, देशको अवस्था ठिक थियो।’
पूरै विश्वले नै आर्थिक संकट भोगिरहेका बेला नेपाल सरकारले बजेटमा त्यतापट्टि ध्यान नदिएको उनको आरोप छ। उनले भने, ‘अहिले विश्व कस्तो परिस्थितिमा छ भन्ने देखिरहेको छ। स्वयम् अमेरिका नै ७.५ प्रतिशत मूल्यवृद्धिबाट प्रभावित बनेको छ। तर, हाम्रो सरकारले केवल चुनाव लक्षित गरेर बजेट ल्याएको देखिन्छ। यस्तो बजेटले आर्थिक संकट समाधान गर्न सक्दैन’
सरकारले राजस्व संकलनमा लिएको लक्ष्य पूरा नहुने खालको रहेको उनको भनाइ छ। ‘सरकारले आन्तरिक उत्पादन बढाएर त्यहिँबाट राजस्व उठाउने लक्ष्य राखेको छ। यो कसरी सम्भव हुन्छ’ उनले प्रश्न गरेका छन्।
यस्तै सरकारले हरेक परिवारलाई विद्युतिय चुल्हो बाँड्ने नीति लिएको छ। तर, यो कार्यक्रम चुनावका लागि पैसा उडाउने फण्डा भएको भन्दै उनले प्रश्न गरेका छन्। उनले हरेक परिवारलाई निःशुल्क चुल्हो बाँड्ने कार्यक्रम अहिलेलाई असम्भव भएको बताएका छन्।
‘६० लाख परिवारलाई न्यूनतम बेसमा राखेर किन्दा पनि ३० अर्ब रुपैयाँ हुने मैले अनुमान गरेँ। यो केर्दा लोकप्रिय भए पनि अहिले पूरा गर्न सम्भव देखिँदैन’ पाण्डेले भने।
नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
