काठमाडौं– नेकपा माओवादी केन्द्रकी सांसद अन्जना विशंखेले रोल्पा कारागारमा मृत भेटिएका सुन्दर हरिजनको घटनाको अनुसन्धानका लागि संसदीय छानबिन समिति गठन गर्न माग गरेकी छन्।
प्रतिनिधि सभाको मंगलबारको बैठकमा विशेष समय लिएर बोल्दै उनले घटनाको सत्यतथ्य बाहिर ल्याउन संसदीय छानबिन समितिको माग गरेकी हुन्।
‘सरकार, प्रशासन, कानुन कसरी चलिरहेको छ। गरिब, दलित बालबालिकालविरुद्ध राज्यको संयन्त्र प्रयोग गरेर कसरी काम गर्दा रहेछन्, रोल्पा कारागारभित्रको घटना ज्वलन्त उदाहरण हो,’ उनले भनिन्, ‘यो घटना सिंगो न्याय प्रशासन जोडिएको कारणले गर्दा
संसदीय छानबिन समिति गठन गरियोस्, संलग्नलाई कारबाही गरियोस्।’
उनले घटनामा जोडिएकाहरूलाई कानुनी दायरामा ल्याएर कारबाही गर्न माग गरेकी छन्। घटनाले नेपालको सिंगो न्यायप्रणाली, सुरक्षा संयन्त्र र राज्यको पूरै शासन संरचनामाथि नै प्रश्न चिह्न खडा गरेको उनको भनाइ छ।
उनले संसदीय छानबिन समिति गठन हुनुपर्ने माग राखेपछि सभामुख अग्निप्रसाद सापकोटाले त्यस विषयमा सरकार र सभामुखको ध्यानाकर्षण भएको बताएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787800966.jpg)
-1698840930.jpg)
-1787796648.png)
-1786602170.png)
-1786513116.png)
