त्रियुगाको मेयरमा कांग्रेस र उपमेयरमा एमाले विजयी

स्थानीय निर्वाचन

नेपाल लाइभ सोमबार, जेठ १६, २०७९ १५:१३

काठमाडौं– उदयपुरको त्रियुगा नगरपालिकाको प्रमुखमा नेपाली कांग्रेस र उपप्रमुखमा नेकपा एमालेका उम्मेदवार विजयी भएका छन्।

सोमबार सार्वजनिक भएको मतपरिणामअनुसार प्रमुख पदमा निर्वाचित नेपाली कांग्रेसका वसन्त कुमार बस्नेतले १३ हजार ९५९ मत ल्याए। उनका प्रतिस्पर्धी नेकपा एमालेका ११ हजार ८७३ मत ल्याए।

मतगणनाको सुरुवाती चरणमा अग्रता लिएका एकीकृत समाजवादीबाट मेयर पदका उम्मेदवार बलदेव चौधरीले ९ हजार १४७ मत ल्याए।

उपप्रमुखमा नेकपा एमालेकी महेश्वरी राई १३ हजार ७०३ मत ल्याएर विजयी भएकी छन्। उनका प्रतिस्पर्धी नेपाली कांग्रेसकी सरिता राईले ११ हजार ९८१ मत ल्याइन् भने नेकपा माओवादी केन्द्रकी गिता खड्का (कार्की)ले ६ हजार ५६८ मत ल्याइन्।

१६ वडा रहेको नगरपालिकामा नेपाली कांग्रेसले ९ वडाको वडाध्यक्ष जितेको छ। नेकपा एमालेले ४ र माओवादी केन्द्र ३ वटा वडामा वडाध्यक्ष जितेको छ।

स्थानीय तहको निर्वाचनअन्तर्गत वैशाख ३० गते मतदानको दिन विवाद भएर १ जनाको मृत्यु भएपछि मतपेटिका उठाउनै ढिला भएको थियो। सर्वदलीय सहमति गरेर मतपेटिका उठाइ ढिला मतगणना सुरु भएको थियो।

मतगणनाको अन्तिम परिणाम सोमबार सार्वजनिक भएको हो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक किलो एकसय ग्राम सुनसहित एकजना पक्राउ

एनपीएल पहिलो खेलः विराटनगर किङ्स कहाँ चुक्यो?

मलेसियामा बाढीका कारण एक लाख भन्दा बढी मानिस विस्थापित