काठमाडौं महानगरपालिकाका मेयर र उपमेयरले लिए सपथ

स्थानीय निर्वाचन

नेपाल लाइभ सोमबार, जेठ १६, २०७९ १२:२३

काठमाडौं– काठमाडौं महानगरपालिकाका नवनिर्वाचित मेयर, उपमेयर तथा अन्य जनप्रतिनिधिहरुले सपथ लिएका छन्। उनीहरुले सोमबार राष्ट्रिय सभागृहमा आयोजित एक समारोहमा सपथ लिएका हुन्।

मेयर निर्वाचित बालेन शाहले मुख्य निर्वाचन अधिकृत (जिल्ला न्यायाधीश) राजुकुमार खतिवडाबाट सपथ लिएका थिए। उपमेयर सुनिता डंगोलले भने शाहबाट सपथ लिइन्। शाहले पहिले नेपाली भाषामा र पछि नेपाल भाषामा सपथ लिएका थिए। डंगोलले भने सुरुमै नेपाल भाषामा सपथ लिइन्।

यस्तै, अन्य जनप्रतिनिधिहरु वडाध्यक्ष, वडासदस्यले मेयर शाहबाट सपथ लिए।

काठमाडौं महानगरपालिकाको मेयरमा बालेन स्वतन्त्र उम्मेदवारको रुपमा निर्वाचित भएका हुन्। उपमेयरमा एमाले उम्मेदवार सुनिता डंगोल निर्वाचित भएकी हुन्।

वैशाख ३० गते सम्पन्न निर्वाचनको अन्तिम मत परिणाम जेठ १२ गते राति सार्वजनिक भएको थियो। मेयरमा बालेन शाहले ६१ हजार ७६७ मत पाएका थिए। उनका निकटतम् प्रतिस्पर्धी नेपाली कांग्रेसकी सिर्जना श्रेष्ठले ३८ हजार ३४१ मत पाएकी थिइन्।

त्यस्तै, उपमेयरमा निर्वाचित सुनिता डंगोलले ६८ हजार ६१२ मत पाइन्। उनको निकटतम् प्रतिस्पर्धी रामेश्वर श्रेष्ठले २३ हजार ८०६ मत पाए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

एक किलो एकसय ग्राम सुनसहित एकजना पक्राउ

एनपीएल पहिलो खेलः विराटनगर किङ्स कहाँ चुक्यो?

मलेसियामा बाढीका कारण एक लाख भन्दा बढी मानिस विस्थापित