काठमाडौं–प्रधानमन्त्री शेरबहादुर देउवाले नेपाल आयल निगमलाई निजीकरण गर्ने कुनै कार्यक्रम नरहेको स्पष्ट पारेका छन्। उनले संसदमा नीति तथा कार्यक्रममा उठेका प्रश्नको जवाफ दिँदै निगमसम्बन्धमा स्पष्ट पारेका हुन्।
पूर्व प्रधानमन्त्री एवं नेकपा एमालेका अध्यक्ष केपी शर्मा ओलीले नीति तथा कार्यक्रममाथिको छलफलमा बोल्दै निगमको निजीकरण गर्न खोजिएको हो कि भनि प्रश्न गरेका थिए।
नेपाली जनतामा आसा र उत्साह कोभिडमा सरकारले गरेको काममा देखिएको दाबी उनले गरे। प्रधानमन्त्री देउवाले तरलता व्यवस्थापन गर्न तथा सामाजिक सुरक्षाको कार्यक्रमलाई ध्यान दिएको बताए। उनले शान्ति प्रक्रियाको बाँकी काम पुरा गर्ने प्रतिबद्धता पनि जनाए।
देउवाले सार्वजनिक संस्थाहरुको सुधार गर्नेदेखि प्रतिस्पर्धी बनाउने कुरा नीति तथा कार्यक्रममा राखिएको उल्लेख गरे। पेट्रोलियम पदार्थजस्ता वस्तुका लागि निजीकरण हुँदैन भन्दै उनले यसमा सरकारले नै काम गर्ने बताए। उनले पाठ्यपुस्तकलगायत अन्य वस्तुको अभाव हुन नदिने गरी काम गरेको दावी गरे ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
