काठमाडौं– नेकपा एमाले अध्यक्ष केपी शर्मा ओलीले नीति तथा कार्यक्रमलाई तेलमा मात्रै तारिएको, तर चास्नीमा नडुबाएको जेरी जस्तो खल्लो भएको टिप्पणी गरेका छन्। उनले कुनै गन्तव्य र लक्ष्य नलिएर नीति तथा कार्यक्रमलाई शब्दजालमा गुजुल्ट्याइको बताए।
प्रतिनिधि सभाको बिहीबारको बैठकमा सरकारको नीति तथा कार्यक्रमाथिको छलफलमा सहभागी हुँदै ओलीले भने, 'चास्नीमा नडुबाएको, तेलमा मात्रै तारेको जेरी जस्तो खल्लो र गुजिल्टिएको छ। यसको प्रस्थान र अन्त्य थाहा छैन। गुजिल्टिएको छ। हुन त तसरकार नै त्यस्तै छ जेरी जस्तो। कसरी पुग्ने नीति छैन, कहाँ पुग्ने गन्तव्य छैन।'
उनले नीति तथा कार्यक्रमको अन्तरवस्तु मात्रै नभइ व्याकरण र वाक्यमा समेत अशुद्धता रहेको बताएका छन्।
'यो नीति कार्यक्रम ६५ पेजमा १४५ बुँदा छन्। ११०, १३२, १६१ यसका नमूना हुन्। जुन अर्थहीन छन्,' उनले भने, 'एउटै बुँदामा भनाइ बाझिएका छन्। यस्तो हुनु त यसको विशेषता छ। गठबन्धनका पार्टीले अलगअलग लगाएर जोडेको छ।'
उनले बुँदा ७३ र ७७ हेरिसकेपछि बाँकी बुँदाको अनुमान सहजै गर्न सकिने पनि बताए।
नीति तथा कार्यक्रममा अधिकांश बुँदा थप प्रभावकारी बनाउने, सवल बनाउने, प्रोत्साहन गर्ने, थप विश्वसनीय र भरपर्दो बनाइने जस्ता शब्दजाल मात्रै रहेको ओलीले टिप्पणी गरे। खोजी-खोजी मीठा शब्दहरु राखेर जनता अलमल्याउने अभ्यास पनि ओलीले टिप्पणी गरे।
'के प्रतिफल र नतिजा प्राप्त गर्ने? कति सयमा गर्ने? के फाइदा पुग्छ?' उनले थपे। उनले तत्काल, मध्यककाल र दीर्घकाल छुट्याउने काम मात्रै नभइ त्यसप्रति बुझाइ समेत नरहेको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
