काठमाडौं– नेकपा एमालेको तर्फबाट काठमाडौं महानगरपालिकाको मेयरका उम्मेदवार दिएका नेता केशव स्थापितले आफू मेयर बने काठमाडौंलाई विनापर्खालको खुला काठमाडौं बनाउने घोषणा गरेका छन्।
आइतबार काठमडौंमा आयोजित बागमती किनारका पालिकाहरुमा प्रमुख र उपप्रमुखका उम्मेदवारसँगको अन्तरक्रिया तथा प्रतिवद्धता कार्यक्रममा बोल्दै उनले अझै पनि काठमाडौंमा एक तिहाई भाग खुला रहेको दाबी गरे। काठमाडौंभित्र रहेका २४७ वटा निजी तथा सरकारी ठाउँमा लगाएका पर्खाल भत्काउने र सबैलाई प्रवेश दिने व्यवस्था गर्ने उनको भनाइ थियो।
मेयरका उम्मेदवार स्थापितले स्वीट्जरल्याण्ड पार्कमा अक्सिजन प्लान्ट स्थापना गर्ने र त्यसको लागत महानगरे व्यहोर्ने घोषणासमेत बताए। काठमाडौंमा ४८ अर्ब राजस्व उठाउन बाँकी रहेको बताउँदै उनले आफू मेयर भएपछि हरेक दिन जनताको गुनासा सुनेर तत्काल समस्या समाधान गर्ने घोषणा गरे। मेयरका उम्मेदवार स्थापितले नदीलाई सानो बनाएर दायँबायाँबाट सडक निकाल्ने र नदी क्षेत्रलाई व्यवस्थित गर्ने प्रतिवद्धतासमेत व्यक्त गरे।
मेयरका उम्मेदवार स्थापितले पशुपति विकास कोष कुनै पनि हालतमा महानगरको मातहतमा आउनुपर्ने बताए। उनले सदस्यसचिव बनेर जानेहरुले कसलाई कति ख्वाउने भन्ने चर्चामात्र हुने र लुट्ने बाहेकको काम नहुने भन्दै महानगले मातहतमा राखेर व्यवस्थापन गर्नुपर्ने बताए। मेयरका उम्मेदवार स्थापितले शव जलाउने ठाउँको डिजाइनसमेत आफूले गरिसकेको दाबी गरे।
त्यस्तै, कार्यक्रममा सत्तारुढ गठबन्धनको तर्फबाट मेयरकी उम्मेदवार सिर्जना सिंहले आफू मेयर भएपछि काठमाडौं महानगरपालिका भित्रका घर परिवारमा बच्चा जन्मिएपछि एक बिरुवा रोप्ने अभियान सुरु गर्ने बताइन्। काठमाडौंमा फोहोरको व्यवस्थापन गर्न कुनै ठूलो कुरा नभएको भन्दै यो व्यवस्थापन गर्न नजान्दा भएको कमजोरी भएको बताइन्।
त्यस्तै विवेकशील साझा पार्टीबाट काठमाडौंको मेयरमा उम्मेदवारी दिएकी नेतृ समीक्षा बास्कोटाले आफू मेयरमा उठेपछि सबैभन्दा पहिला फोहोर व्यवस्थापनमा ध्यान दिने बताइन्। उनले घरबाट नै फोहोरको व्यवस्थापन गर्न सकिने बताउँदै घरबाट नै कुहिने र नकुहिने फोहोर छुट्याउनु पर्नेमा जोड दिइन्।
काठमाडौं महानगरपालिकाभित्र रहेका खुला क्षेत्रलाई सर्वसुलव पार्क बनाउने आफ्नो पार्टीको योजना रहेको मेयरकी उम्मेदवार बास्कोटाले बताइन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770527955.jpg)
-1764947412.jpg)
-1764146706.png)
