दाङ- दाङमा मृत्यु भएका मतदाता कसैको पनि नाम हटाइएको छैन। २०७४ यता कति मतदाताको मृत्यु भएको भनी स्थानीय तहहरूले नामावली नपठाइएकाले उनीहरूको नाम नहटाइएको बताइएको छ।
त्यसैले जिल्लामा भएका मतदातामध्ये केही मृत्यु भएका पनि समावेश हुन सक्ने लुम्बिनी प्रदेश निर्वाचन कार्यालय दाङका सूचना अधिकारी गेहेन्द्र कुँवरले बताए।
'स्थानीय तहहरूले मृत्यु भएकाहरूको नाम पठाएनन्', उनले भने, 'त्यसैले पनि मृत्यु भएकाको नाम पनि समावेश हुन सक्छ।' दाङमा दोहोरो नाम भएका मतदाताको मात्रै नामावलीबाट हटाइएको र बाँकी अन्य कुनै मतदाताको नाम नहटाइएको उनको भनाइ छ।
यहाँका स्थानीय तहहरुले २०७४ यता १८ वर्षमाथिका कति जनाको मृत्यु भयो भनी तथ्यांक तयार पारेर निर्वाचन आयोगलाई नपठाउँदा मृत्यु भएकाहरूको समेत नाम मतदाता नामावलीमा समावेश भएको हुन सक्ने उनको भनाइ छ।
निर्वाचन आयोगमा दाबी–विरोध परेकाको तथ्यांक मात्रै पठाएको तर मृत्यु भएकाको नपठाएको बबई गाउँपालिकाका प्रमुख प्रशासकीय अधिकृत भीष्मकुमार मल्लले बताए।
मृत्यु भएकाको यसरी नामावली कटाउने प्रणाली भए सजिलो हुने उनको भनाइ छ। दाङमा कूल चार लाख नौ हजार ९०० मतदाता रहेका छन्। २०७४ मा भएको निर्वाचनमा तीन लाख ७७ हजार पाँच मतदाता थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1777595787.png)
