काठमाडौं– बलिउडका दुई अभिनेता साहरुख खान र सलमान खानले आफ्नो घरको बाल्कोनीमा आएर फ्यान्सलाई इदको शुभकामना दिएका छन्।
मंगलबार विश्वभर मनाइएको मुस्लिमहरुको पर्व इदको अवसरमा दुई अभिनेताले आफ्नो घरको बार्दलीमा आएर आफ्ना प्रशंसकसामु शुभकामना व्यक्त गरेका हुन्।
दुई कलाकारले आफ्नो आफ्नो घर बाहिर जम्मा भएको भिडलाई सम्बोधन गरेका थिए। उनीहरुले शुभकामना दिएको यो भिडियो अहिले निकै चर्चामा आएको छ।
सलमान र शाहरुखको घरका सामुन्ने इदको अवसरमा ठूलो भिड जम्मा भएको थियो।
शाहरुख र सलमानसँगै अमिताभ बच्चन, अजय देवगण, सत्तजय दत्त, हुमा कुरैशी, शिल्पा शेट्टी, दिया मिर्जालगायतका बलिउड सेलिब्रेटीले पनि सामाजिक सञ्जालमार्फत इदको शुभकामना दिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
