काठमाडौं– भूमि व्यवस्था, सहकारी तथा गरिबी निवारण मन्त्रालयले लिखत रजिष्ट्रेशन प्रारम्भ भएको शतवार्षिकी आज (बुधबार)देखि तीन दिनसम्म विशेष कार्यक्रम गरी मनाउँदै छ।
विसं १९७९ साल वैशाख १ गतेबाट सुरु भएको लिखत रजिष्ट्रेशन पारित भएको औपचारिक रुपमा एक सय वर्ष पूरा भएको अवसरमा विशेष कार्यक्रमको आयोजना गरिएको छ।
शतवार्षिकीका अवसरमा २०७८ साल चैत्र ३० गतेदेखि २०७९ साल वैशाख २ गतेसम्म मन्त्रालय, भूमि व्यवस्थापन तथा अभिलेख विभाग र नापी विभागअन्तर्गत सबै भूमिसुधार/मालपोत कार्यालय र नापी कार्यालयमा विशेष कार्यक्रम गरिने बताइएको छ।
कार्यक्रमबारे जानकारी दिन आज मन्त्रालयमा आयोजित पत्रकार सम्मेलनमा भूमि व्यवस्था, सहकारी तथा गरिबी निवारण मन्त्री शशि श्रेष्ठले संविधानमा व्यवस्था भएअनुसार भूमिहिन दलितहरुलाई लालपुर्जा वितरणलाई विशेष प्राथमिकतामा राखेर सिन्धुलीको दुधौलीमा रहेका मुुसहरबस्तीबाट लालपुर्जा वितरणको काम सुरु गरिएको जानकारी दिए।
मन्त्री श्रेष्ठले नयाँ वर्षको दिनमा मनाउन लागिएको शतवार्षिकी तथा नयाँ वर्षले भूमिसम्बन्धी सम्पूर्ण समस्या समाधान गरी संविधानमा व्यवस्था भएअनुसार नागरिकको हक प्राप्तिको अभियान सफल हुने विश्वास र शुभकामनासमेत व्यक्त गरिन्।
लिखत रजिष्ट्रेशन प्रारम्भ भएको शतवार्षिकीको अवसरमा प्रधानमन्त्री शेरबहादुर देउवाको प्रमुख आतिथ्यमा बिहीबार अपराह्न ४ वजे राष्ट्रिय सभागृहमा विशेष समारोहको आयोजना गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1787821306.jpg)
-1786602170.png)
-1786513116.png)
