काठमाडौं– बलिउडमा अहिले चर्चाको विषय बनेको छ अभिनेता रणबीर कपुर र अभिनेत्री आलिया भट्टको विवाह।
अप्रिल १३ बाट सुरु हुने उनीहरुको विवाहको कार्यक्रमलाई लिएर बलिउडका अन्य कलाकारहरुले पनि उनीहरुलाई शुभकामना दिइरहेका छन्। यसबीच अभिनेता सञ्जय दत्तले दुईको विवाहलाई लिएर दिएको शुभकामना भने चर्चामा आएको छ।
सञ्जय दत्त अहिले आफ्नो आगामी फिल्म ‘केजीएफ २’को प्रचारपसारमा व्यस्त छन्। वैशाख १ बाट प्रदर्शन हुन लागेको उनको यो फिल्ममा अधिराको भूमिकामा दर्शकले उनलाई देख्न पाउनेछन्। दत्तले हालसालै फिल्मको प्रचारप्रसारको क्रममा आलिया र रणबीको विवाहको विषयलाई लिएर आफ्नो प्रतिक्रिया दिएका छन्।
उनले भनेका छन्, ‘के उनीहरु विवाह गर्दैछन्? यदि यस्तो हो भने म निकै खुसी छु। उनीहरुलाई धेरै बधाई। रणबीरले छिट्टै सन्तान जन्माएर खुसी रहनु।’
दत्तले आलिया हुर्किएको आफैंले देखेको बताउँदै समय छिट्टै कट्ने बताएका छन्। उनले भनेका छन्, ‘विवाह भनेको एउटा बाचा हो, एकअर्कासँग गरिने। र यसमा सधैं इमान्दार हुनुपर्छ। सधैं साथ दिनुपर्छ। खुसी र शान्तीको यो यात्रामा अघि बढ्नुपर्छ। रणबीरुले छिट्टै सन्तान जन्माउन र खुसी भएर बसून्।’
दत्तले आलिया र रणबीरको विवाहलाई लिएर दिएको यो प्रतिक्रिया अहिले चर्चामा आएको छ। सञ्जय दत्तको जीवनमा आधारित फिल्म ‘सञ्जु’मा रणबीरले दत्तकै भूमिका निभाएका थिए। त्यस्तै, २०२२ को फिल्म ‘शम्सेरा’मा पनि दत्त र कपुर सँगै देखिएका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778822010.png)
-1778036869.gif)
-1764146706.png)
