टेलिकमको प्रबन्ध निर्देशकका लागि पौडेल उपयुक्त भएकाले नै नियुक्त गरिएको हो : मन्त्री कार्की

राजनीति

नेपाल लाइभ शुक्रबार, चैत २५, २०७८ १४:०७

काठमाडौं– विवादित व्यक्तिलाई कानुन विपरीत नेपाल टेलिकमको प्रबन्ध निर्देशक नियुक्त गरिएको भन्दै आलोचना भइरहेका बेला सरकारका प्रवक्ताले भने त्यसको बचाउ गरेका छन्।

बिहीबार मन्त्रिपरिषद् बैठकले गरेको निर्णय सार्वजनिक गर्न शुक्रबार आयोजित पत्रकार सम्मेलनमा सरकारका प्रवक्ता ज्ञानेन्द्रबहादुर कार्कीले निर्णयको बचाउ गरेका हुन्।

टेलिकमको प्रबन्ध निर्देशकमा विवादित व्यक्तिलाई ऐन नै संशोधन गरेर किन नियुक्त दिइयो भन्ने सञ्चारकर्मीको जिज्ञासामा प्रवक्ता कार्कीले सरकारी निर्णयको बचाउ गरे।

‘नेपालको टेलिकमको प्रबन्ध निर्देशक प्रतिस्पर्धाद्वारा उपयुक्त भएको व्यक्ति नै मनोनयन गरेका हौं,’ उनले भने, ‘उहाँ उपयुक्त भएकाले नै नियुक्त गरिएको हो।’

उनले आफूले यस विषयमा थप प्रष्टीकरण नदिने बताए। राष्ट्रिय सूचना प्रविधि केन्द्रको कार्यकारी निर्देशकका रूपमा काम गरिरहेका पौडेललाई सरकारले बिहीबार नेपाल टेलिकमको प्रबन्ध निर्देशकमा नियुक्त गरेको हो।

टेलिकममा रहेका व्यक्ति नै प्रबन्ध निर्देशक नियुक्त हुँदै आएपनि पहिलोपटक संस्थाभन्दा बाहिरबाट प्रबन्ध निर्देशक नियुक्त गरिएको हो। उनलाई नियुक्त गर्न सरकारले प्रबन्ध निर्देशक नियुक्ति सम्बन्धी निर्देशिका नै संशोधन गरेको थियो।

सञ्चार सचिव बैकुण्ठ अर्याल संयोजकत्वको ९ सदस्यीय छनोट समितिले टेलिकममा कार्यरतसहित तीनजनाको नाम मन्त्रिपरिषद्‌मा प्रबन्ध निर्देशक नियुक्तिका लागि सिफारिस गरेको थियो। सरकारको यो निर्णयमा गठबन्धन दल निकटका कर्मचारी संगठनहरुले नै विरोध गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सदनमा प्रस्तुत अध्यादेश पास हुन्छ – सञ्चारमन्त्री गुरूङ

इजराइल र हमासबीच पहिलो चरणको युद्धविराम आजबाट समाप्त हुँदै, विपिन जोशीको अवस्था अझै अज्ञात

खाँदबारीमा महिलाको शव फेला