बुढीगण्डकी आयोजना चिनियाँ कम्पनीलाई दिने निर्णय खारेज, सरकारले आफैं बनाउने

राजनीति

नेपाल लाइभ बिहीबार, चैत २४, २०७८ २१:०१

काठमाडौं– सरकारले जलाशययुक्त बुढीगण्डकी जलविद्युत आयोजना आफैंले बनाउने निर्णय गरेको छ।

मन्त्रिपरिषद्को बिहीबार साँझ बसेको बैठकले बुढीगण्डकी जलविद्युत आयोजना चिनियाँ कम्पनी गेजुवालाई दिने तत्कालिन केपी शर्मा ओली सरकारको निर्णय खारेज गरेको हो।

आयोजना प्रभावितलाई मुअब्जा वितरणको कार्यसमेत भइसकेको अवस्थामा चिनियाँ कम्पनीबाट खोसिएको छ। उक्त आयोजना सरकार आफैंले निर्माण गर्ने निर्णय गरेको एक मन्त्रीले बताए।

अब यो आयोजना नेपाल आफैंले राष्ट्रिय गौरवको आयोजनाका रुपमा अघि बढाउनेछ।

बुढीगण्डकी जलविद्युत आयोजना निर्माणसम्बन्धी पहिलो सम्झौता पुष्पकमल दाहाल ‘प्रचण्ड’ प्रधानमन्त्री र जनार्दन शर्मा उर्जामन्त्री भएको बेला २०७४ जेठ २१ गते भएको थियो।

नेपाल सरकार र चीनको चाइना गेजुवा वाटर एण्ड पावर ग्रुप अफ कम्पनी लिमिटेड (सीजीजीसी)बीच भएको सम्झौता त्यसपछि शेरबहादुर देउवा सरकारले खारेज गरेको थियो।

त्यसपछि पुन: ओली नेतृत्वको सरकारका पालामा यो आयोजना चीनलाई दिने निर्णय भएको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सदनमा प्रस्तुत अध्यादेश पास हुन्छ – सञ्चारमन्त्री गुरूङ

इजराइल र हमासबीच पहिलो चरणको युद्धविराम आजबाट समाप्त हुँदै, विपिन जोशीको अवस्था अझै अज्ञात

खाँदबारीमा महिलाको शव फेला