बलेफी हाइड्रोपावरको आईपीओमा मागभन्दा करिब १६ गुणा बढी आवेदन

बैंक/बिमा/सेयर

नेपाल लाइभ मंगलबार, चैत २२, २०७८ ०८:३०

काठमाडौं– बलेफी हाइड्रोपावर लिमिटेडको आईपीओमा मागभन्दा १५ दशमलव ७४ गुणा बढी आवेदन परेको छ।

चैत १६ गतेदेखि सार्वजनिक निष्कासनमा आएको सेयर २२ लाख ६४ हजार ३७८ जनाले २ अर्ब ६१ करोड ७१ लाख ३९ हजार रुपैयाँ बराबरको २ करोड ६१ लाख ७१ हजार ३९० कित्ताको लागि आवेदन दिएका हुन्।

कम्पनीले सर्वसाधारणका लागि प्रतिसेयर रू. १०० अंकित दरको १८ लाख २७ हजार ९७० कित्ता आईपीओ विक्री खुला गरेको हो।

सर्वसाधारणका लागि विक्री गरिने कुल कित्ता सेयरमध्ये ७३ हजार ११९ कित्ता सेयर कम्पनीका कर्मचारीका लागि र ९१ हजार ३९८ कित्ता सेयर सामूहिक लगानी कोषका लागि सुरक्षित गरिएको छ । यी बाहेक बाँकी १६ लाख ६३ हजार ४५३ कित्ता सेयर भने सार्वजनिक निष्कासनमार्फत विक्रीमा आएको हो।

कम्पनीले पहिलो चरणमा आयोजना प्रभावित स्थायिनमा बाँडफाँट गरी दोस्रो चरणमा सर्वसाधारणका लागि आईपीओ विक्री खुला गरेको हो।

पहिलो चरणमा आयोजना प्रभावित स्थानीयका लागि १८ लाख २७ हजार ९७० कित्ता सेयर माघ २७ गतेदेखि फागुन २६ गतेसम्म विक्री खुला गरी चैत ६ गते बाँडफाँट गरेको हो ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

पूर्वप्रधानमन्त्री खनालको ‘क्षितिजबाट घाम’ सार्वजनिक

भारतको तमिलनाडुमा साँढे जुधाई क्रममा सात जनाको मृत्यु, ४०० घाइते

इजरायली सैन्य कारबाही स्थग्ति गर्न संयुक्त राष्ट्र प्रमुखको आह्वान