एआईजी बढुवाविरुद्धको रिट : आज पनि हेर्न नमिल्ने इजलासमा

सुरक्षा/अपराध

नेपाल लाइभ सोमबार, चैत २१, २०७८ ११:२३

काठमाडौं– प्रहरी अतिरिक्त महानिरीक्षक (एआईजी) बढुवा गर्ने सरकारको निर्णयविरुद्ध दायर भएको रिट सोमबार पनि हेर्न नमिल्ने न्यायाधीशको इजलासमा पेसी परेको छ। आइतबार न्यायाधीश कुमार रेग्मीको इजलासमा पेसी परेर सरेको उक्त मुद्दा सोमबार पनि सोही इजलासमा परेको छ।

न्यायाधीश रेग्मीका दाजु माधव रेग्मी लोकसेवा आयोगका अध्यक्ष हुन्। लोकसेवाले यसअघि प्रहरीको बढुवाविरुद्ध गरेको पुनरावेदन खारेज गर्ने निर्णय गरेको थियो। त्यस्तै रिटमा आयोगलाई पनि विपक्षी बनाइएको छ। गोलाप्रथाद्वारा तोकिएको पेसीमा रेग्मीको मात्र एकल इजलास रहेकाले सोही मुद्दा दोस्रो पटक पेसी परेको हो।

जुनियरलाई बढुवा गरेर सिनियरलाई छुटाएको भन्दै तीन सिनियर डीआईजी घनश्याम अर्याल, प्रकाशजंग कार्की र ईश्वरबाबु कार्कीले बढुवाको निर्णयविरुद्ध सर्वोच्च अदालतमा बिहीबार रिट दर्ता गराएका थिए।

चैत १ गते गृहसचिव नेतृत्वको बढुवा सिफारिस समितिले वसन्त पन्त, धीरजप्रताप सिंह र रवीन्द्र धानुकलाई बढुवाका लागि सिफारिस गरेको थियो। तर, आफूभन्दा जुनियर डीआईजीद्वय सिंह र धानुकलाई एआईजी बनाउन सिफारिस गरेको भन्दै उनीहरुले बढुवामाथिको उजुरी सुन्ने समितिमा उजुरी दिएका थिए।

उक्त उजुरीमाथि कारबाही गर्दै लोकसेवा आयोगका अध्यक्ष रहेको उजुरी सुन्ने समितिले बढुवा सिफारिस समितिको निर्णयलाई सदर गरेसँगै सरकारले समेत उनीहरुलाई एआईजीमा बढुवा गर्ने निर्णय गरेको थियो। बढुवा भएकै दिन उनीहरुले एआईजीको फुलीसमेत लगाइसकेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

अमेरिकाको पेनसेल्भेनिया राज्यमा अर्को एक व्यापारिक बिमान दुर्घटनाग्रस्त

त्रिकोणात्मक टी–२० सिरिजः आज नेपालले थाइल्याण्डसँग खेल्दै

आजको मौसमः तराईमा हुस्सु, पहाडी भागमा सामान्यतया सफा रहने