करिष्माको कटाक्षः सूर्य कुमारी नाम थाहा पाउँदा धेरैलाई पोल्यो

गसिप

नेपाल लाइभ बिहीबार, चैत १७, २०७८ १४:२५

काठमाडौं– नेकपा एमाले प्रवेश गरेकी कलाकार करिष्मा मानन्धरले गत सोमबार कपिलवस्तुमा गरेको एउटा भाषण निकै चर्चामा आयो। उनले आफ्नो न्वारानको नाम उल्लेख गर्दै आफू जन्मजात नै एमाले भएको बताएकी थिइन्। उनले भनेकी थिइन्, ‘मेरो न्वारनका नाम नै सूर्यकुमारी भएकाले म जन्मजात एमाले हुँ।’

करिष्माको उक्त टिप्पणीले सामाजिक सञ्जालदेखि कलाकारिता क्षेत्रमा ठूलै तरंग ल्यायो। भर्खरै एमाले पार्टी प्रवेश गरेकी करिष्माको भाषणलाई लिएर थुप्रैले उनी ‘पार्टी अध्यक्षकै लाइन’मा पुगेको सम्म भन्न भ्याए।

तर, करिष्मालाई यी कुराले फरक पारेन। आफ्नो भाषणका कारण चर्चामा आएकी करिष्माले लोकप्रियतालाई थप अर्को उचाईंमा पुर्‍याउन सामाजिक सञ्जालको प्रयोग गरिन्। उनले बिहीबार बिहान सामाजिक सञ्जाममा आफ्नो नाम सूर्य कुमारी भएको थाहा पाउँदा धेरैलाई पोलेको र भिटामिन डि प्राप्त भएको भन्दै व्यंग्य गरिन्।

‘सूर्य कुमारी, मेरो न्वारानको नाम थाहा पाउँदा धेरैलाई पोल्यो, भिटामिन डि प्राप्त भयो,’ करिष्माले लेखेकी छन्, ‘राम्रै भयो।’

उनले आफ्नो भाषणमा आएको प्रतिक्रियामाथि दिएको प्रतिक्रिया पनि भाषणजस्तै चर्चामा आइरहेको छ। मानन्धरले आफ्नो र पार्टीका अध्यक्ष केपी शर्मा ओलीको तस्बिर राख्दै दिएको यो अभिव्यक्तिले अहिले सामाजिक सञ्जाल तताएको छ।

स्मरण रहोस्, करिष्माको राजनीतिक करिअरमा एमाले दोस्रो पार्टी हो। यसअघि उनी बाबुराम भट्टराई आवद्ध रहेको ‘नयाँ शक्ति’ पार्टीमा थिइन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साढे ३ वर्षपछि पहिलो पटक राप्रपा कार्यालय पुगे कमल थापा

कम्युनिष्ट पार्टीहरु एक ठाउँमा आउनुपर्छ : महासचिव वैद्य

गर्मी बढेसँगै सर्पको बिगबिगी