काठमाडौं– भारतीय निर्देशक एसएस राजामौली निकै चर्चित छन्। शुक्रबारबाट प्रदर्शनमा आउन लागेको उनको फिल्म ‘आरआरआर’लाई लिएर उनको चर्चा थप चुलिएको छ। यसअघि ‘बाहुबली’ र ‘बाहुबली २’को निर्देशनमार्फत चर्चा बटुलेका रामामौलीका ‘आरआरआर’लाई लिएर निकै चर्चा भइरहेको छ।
राजामौली भारतीय सिनेमा क्षेत्रका यस्ता निर्देशक हुन, जसले हालसम्म सीमित फिल्म बनाएपनि सबै हिट भएका छन्। राजामौलीले हालसम्म १० फिल्म निर्देशन गरेका छन्। उनले निर्देशन यी सबै फिल्महरु बक्सअफिसमा सुपरहिट भएका छन्।
राजामौलीको करिअरमा निर्देशनको सुरुवात २००१ मा ‘स्टेडेन्ट नम्बर १’ नामक फिल्मबाट भएको थियो। उक्त दक्षिण भारतीय फिल्मले निकै चर्चा कमायो।
दुई वर्षपछि २००३ मा प्रदर्शनमा आएको ‘सिम्हाद्री’, २००५ मा प्रदर्शनमा आएको ‘छत्रपति’, २००६ मा प्रदर्शनमा आएको ‘विक्रमारकुडु’, २००७ मा प्रदर्शनमा आएको ‘यामाडोंगा’, २००९ मा प्रदर्शनमा आएको ‘मगधीरा’, २०१० मा प्रदर्शनमा आएको ‘मर्यादा रमन्ना’, २०१२ मा प्रदर्शनमा आएको ‘ईगा’, २०१५ मा प्रदर्शनमा आएको ‘बाहुबली’ र २०१७ मा प्रदर्शनमा आएको ‘बाहुबली २’ फिल्महरु राजामौलीले निर्देशन गरेका छन्। यी सबै फिल्महरु राजामौलीको करिअरमा चर्चित बनेका फिल्महरु हुन्।
प्रतिफिल्म २६ करोड रुपैयाँ पारिश्रमिक लिने निर्देशक राजामौली भारतको कर्नाटक क्षेत्रमा जन्मिएका हुन्। उनको करिअरको सुरुवात सुरुवात तेलगु टेलिभिजनको कार्यक्रम निर्देशनबाट सुरु भएको थियो। हाल राजामौली भारतीय सिनेमा क्षेत्र र मुख्य गरि दक्षिण भारतीय सिनेमा क्षेत्रका निकै चर्चित र सम्मान पाउने निर्देशक रहेका छन्।
शुक्रबारबाट प्रदर्शनमा आउने उनको फिल्म ‘आरआरआर’ १९२० को दशकमा भारतको स्वतन्त्रताका लागि लड्ने क्रान्तीकारीहरुको कथामा आधारित छ। फिल्ममा जुनियर एनटिआर, राम चरण, अजय देवगण र आलिया भट्टको मुख्य अभिनय रहेको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
