काठमाडौं– निर्वाचन आयोगले स्थानीय तहको निर्वाचनका लागि बनाइएको आचारसंहिताप्रति नेकपा एमालेका उपमहासचिव विष्णु रिमालले असन्तुष्टि जनाएका छन्।
बिहीबार राजपत्रमा प्रकाशित निर्वाचन आचारसंहिता २०७९ प्रति उपमहासचिव रिमालले शुक्रबार सामाजिक सञ्जालमार्फत असन्तुष्टि जनाएका हुन्।
उनले आचारसंहितामा भएको स्थानीय तहको निर्वाचनमा उम्मेदवारी घोषणा गर्नुअघि पदमा रहेकाहरूले राजीनामा दिनुपर्ने प्रावधानप्रति असन्तुष्टि जनाएका हुन्।
प्रधानमन्त्रीले चुनाव लड्दा पद खाली गर्नुनपर्ने भन्दै उपमहासचिव रिमालले स्थानीय तहका पालिका अध्यक्ष वा मेयरले पनि पद खाली गर्न नहुने तर्क गरेका छन्।
पालिका अध्यक्ष वा मेयरले पदबाट राजीनामा दिएर चुनावमा होमिदा काम नै रोकिने भन्दे उनले त्यो व्यवस्था लागु गर्नु जायज नभएको बताएका हुन्। ‘प्रधानमन्त्रीले चुनाव लड्दा पद खाली गर्नु पर्दैन,’ उनले भनेका छन्, ‘स्थानीय तहका ‘प्रधानमन्त्री’ (पालिका अध्यक्ष वा मेयर चाहिँ पद खाली गरी चुनावमा जानू अघि जनतालाइ दिनुपर्ने सेवा नै बन्द गर्नुपर्ने किन?’
पदको दुरुपयोगको आशंकामा यस्तो व्यवस्था गरिएको हो भने त्यसलाई रोक्नतर्फ ध्यान दिनुपर्ने उनको भनाइ छ। उनले भनेका छन्, ‘निर्वाचनमा जाँदा पदको दुरुपयोग नहोस् सोच्नुपर्ला तर यसलाई देखाएर काम नै रोक्नु कसरी ठिक हुन्छ ?’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1788264467.png)
-1786602170.png)
-1786513116.png)
