काठमाडौं– अभिनेता तथा मोडल पल शाहविरुद्ध एक नाबालिग गायिकामाथि बलत्कार गरेको अभियोगमा जबरजस्ती करणी (बलात्कार) मुद्दा दर्ता भएको छ। शाहलाई मुलुकी फौजदारी अपराध संहिताअनुसार हदैसम्मको कैद साजयको माग गर्दै बिहीबार जिल्ला अदालत नवलपुर (नवलपरासी पूर्व)मा अभियोगपत्र दायर भएको हो।
शाहविरुद्ध अर्को जाहेरीमा जिल्ला प्रहरी कार्यालय तनहुँमा समान्तान्तर रुपमा अनुसन्धान भइरहेको छ।
नाबालिग गायिकामाथि बलात्कार गरेको आरोपसहित शाहविरुद्ध पहिले जिल्ला प्रहरी कार्यालय तनहुँमा दर्ता भएको थियो। तनहुँ प्रहरीमा उजुरी दर्ता भएर पक्राउ पूर्जी समेत जारी भएपछि शाहले प्रहरीमा आत्मसमर्पण गरेका थिए।
तनहुँ प्रहरीको नियन्त्रणमा आएपछि साहविरुद्ध चैत ७ गते नवलपुर प्रहरीमा पनि जाहेरी परेको थियो। तनहुँमा अनुसन्धान भइरहेकै समयमा नवलपुर प्रहरीले पनि अनुसन्धान गरी बयान समेत लिएर जिल्ला सरकारी वकिल कार्यालयमा अनुसन्धान प्रतिवेदन बुझाएको थियो।
प्रहरीको अनुसन्धान प्रतिवेदनका आधारमा जिल्ला सरकारी वकिल कार्यालय नवलपुरले बिहीबार जिल्ला अदालतमा मुद्दा दायर गरेको हो।
नवलपुर जिल्ला अदालतमा दायर भएको अभियोग पत्रमा शाहले १६ वर्षकी गायिकालाई प्रलोभनमा पारेर, ललाइफकाइ शारीरिक सम्बन्ध राखेको (बलात्कार गरेको) दाबी गरिएको छ।
शाहविरुद्ध जिल्ला प्रहरी कार्यालय तनहुँले पनि अनुसन्धान अन्तिम चरणमा पुर्याएको बताएको छ। अनुसन्धान सकेर तनहुँ प्रहरीले पनि जिल्ला सरकारी वकिल कार्यालयलाई प्रतिवेदन बुझाउने छ भने जिल्ला सरकारी वकिल कार्यालयले जिल्ला अदालतमा मुद्दा दायर गर्नेछ।
पहिले मुद्दा दर्ता भएका कारण नवलपुर जिल्ला अदालतले शाहलाई बोलाएर बयान गराउन सक्छ। शाहको बयान सकिएपछि अदालतमा थुनछेक बहस हुनेछ, बहस सकिएपछि मुद्दाको पुर्पक्षका लागि शाहलाई थुनामा पठाउने कि धरौटी लिने वा साधारण तारेखमा राख्ने आदेश जारी गर्ने छ।
अभियोग पत्रमा शाहले मुलुकी फौजदारी अपराध संहिताको दफा २१९ को १ र २ मा उल्लेखित कसूर गरेको जिकिर गरिएको छ। शाहले १६ वर्ष वा १६ वर्षभन्दा बढी १८ वर्षभन्दा कम उमेर भएकी महिला (गायिका)माथि बलात्कार गरेको जिकिर गर्दै उनीविरुद्ध फौजदारी अपराध संहिताको दफा २१९ को उपदफा (३) को देहाय (घ) बमोजिम अधिकत्तम सजायको मागदाबी गरिएको छ।
अपराध संहिताको दफा २१९ को उपदफा (३) को देहाय (घ) मा १६ वर्ष वा १६ वर्षभन्दा बढी १८ वर्षभन्दा कम उमेरकी महिलामाथि बलात्कार गरेमा १९ वर्षदेखि १२ वर्षसम्म सजाय हुने व्यवस्था गरिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
-1763721444.png)
-1765273665.jpg)
