‘दुई नम्बरी’मा पलको ठाउँमा सौगात

समाचार

नेपाल लाइभ बुधबार, चैत २, २०७८ १३:०८

काठमाडौं– दीपेन्द्र लामाको निर्देशनमा बन्ने फिल्म ‘दुई नम्बरी’मा पल शाहको ठाउँमा अभिनेता सौगात मल्लले अभिनय गर्ने भएका छन्।

दुई वर्षअघि छायांकन सुरु भएको फिल्म महामारीका कारण स्थगित भएपछि पुनः छायांकनमा जान लाग्दा शाह हिरासतमा रहेकाले अर्का अभिनेता मल्ललाई फिल्ममा अनुबन्ध गरिएको हो।

लामाकै लेखनमा रहेको फिल्म कोरोना महामारीका कारण छायांकनकै क्रममा स्थगित भएको थियो। पुनः छायांकन सुरु हुन लाग्दा शाह आफूविरुद्ध बलात्कारको जाहेरी परेकाले हिरासतमा छन्।

फिल्मको निर्माण पक्षका अनुसार हाल पल हिरासतमा रहेकाले फिल्ममा सौगातलाई अनुबन्धित गरिएको हो।

फिल्ममा सौगातसँगै दयाहाङ राई, वर्षा राउत, उगेन छोदेनलगायतका कलाकारको अभिनय रहेको छ। मित्रताको कथामा आधारित फिल्म छायांकन सकिएसँगै आगामी वर्षको कात्तिक ४ गते प्रदर्शनमा आउने बताइएको छ।

फिल्ममा राजीव गुरुङ (दीपक मनाङे) र अमलादेवी राईको लगानीमा निर्माण गरिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड