भारतमा हिट भइरहेको ‘द कश्मीर फाइल्स’ शुक्रबारबाट नेपालमा

सिनेमा

नेपाल लाइभ बुधबार, चैत २, २०७८ १२:३०

काठमाडौं– गत शुक्रबार प्रदर्शनमा आएको बलिउड फिल्म ‘द कश्मीर फाइल्स’ नेपालमा पनि प्रदर्शन हुने भएको छ। भारतमा प्रदर्शनको सुरुवातसँगै सुस्त गतिमा चर्चातर्फ उन्मुख रहेको फिल्म आगामी शुक्रबारबाट नेपालमा प्रदर्शन हुने भएको हो।

अनुपम खेर मुख्य भूमिकामा रहेको फिल्म ‘द कश्मीर फाइल्स’लाई नेपालमा फिल्म वितरक मनोज राठीको समूहले ल्याएको हो। भारतमा प्रदर्शन भएको ठीक एक सातापछि शुक्रबारबाट फिल्न नेपालमा प्रदर्शन हुन लागेको हो। राठीका अनुसार फिल्म नेपालभरका सिनेमाहलहरुमा प्रदर्शन हुनेछ।

प्रदर्शनको सुरुवातमा धेरै चर्चा नपाए पनि ‘द कश्मीर फाइल्स’ले विस्तारै बक्स अफिसमा गति लिन थालेको थियो। हालसम्म फिल्मले भारतको बक्स अफिसमा ६० करोड भारतीय रुपैयाँभन्दा धेरैको आम्दानी गरेको छ।

बिबेक अग्नीहोत्रीको निर्देशनमा बनेको फिल्ममा भारतको कश्मीर क्षेत्रमा कश्मीरी पण्डितहरुमाथि भएको अन्यायलाई देखाइएको छ। फिल्ममा अनुपमसँगै करन पण्डित, पल्लवी जोशी, कृष्ण पण्डित, मिथुन चक्रवर्तीलगायतका कलाकारको अभिनय रहेको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड