काठमाडौं– राष्ट्रपति विद्यादेवी भण्डारीले संखुवासभाको मादीमा भएको बस दुर्घटनाप्रति दु:ख व्यक्त गरेकी छन्।
दुर्घटनामा दर्जनौँ यात्रुको ज्यान गुमेको खबरले मर्माहत भएको भन्दै उनले यस्ता दुर्घटना न्यूनीकरणका लागि सरकारको ध्यानाकर्षण गराएकी छन्।
राष्ट्रपति भण्डारीले सामाजिक सञ्जाल ट्विटरमार्फत शोकाकुल परिवारमा समवेदना व्यक्त गर्दै घाइतेहरूको शीघ्र स्वास्थ्यलाभको कामना पनि गरेकी छन्।
‘सवारी दुर्घटना न्यूनीकरण गर्नका लागि आवश्यक सावधानी अपनाउन सम्बद्ध पक्षको ध्यान आकृष्ट गराउँछु’, राष्ट्रपति भण्डारीले भनेकी छन्।
बिहीबार बिहान मादीमा बस दुर्घटना हुँदा १५ जनाको मृत्यु भएको थियो भने पाँच जना गम्भीर घाइते भएका थिए।
त्यस्तै, सभामुख अग्निप्रसाद सापकोटाले पनि बस दुर्घटनाप्रति स्तब्ध बनाएको भन्दै दु:ख व्यक्त गरेका छन्।
दुर्घटनाका घाइतेहरूको शीघ्र स्वास्थ्य लाभको कामना गर्दै उनले शोकाकुल परिवारमा समवेदना व्यक्त गरेका छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782788260.png)
-1764146706.png)
