‘ए मेरो हजुर ४’ को ‘सुन्तला’ सार्वजनिक भएको एक दिनमै ट्रेन्ड्रिङमा

समाचार

नेपाल लाइभ बुधबार, फागुन २५, २०७८ १४:०७

काठमाडौं– वैशाख १ बाट प्रदर्शनमा आउने फिल्म ‘ए मेरो हजुर ४’ मा समावेश रहेको गीत ‘सुन्तला’ सार्वजनिक भएको २४ घण्टामै युट्युबको ट्रेन्ड्रिङमा परेको छ। मंगलबार सार्वजनिक भएको गीत बुधबार दिउँसोसम्म करिब ६ लाख भ्युजसहित युट्युबको शीर्ष स्थानमा परेको छ।

उक्त गीतलाई मेलिना राई र निशान भट्टराईले गाएका छन्। बसन्त सापकोटाको शब्द तथा संगीत रहेको गीतको एरेन्ज उदयराज पौडेलले गरेका हुन्। गीतमा फिल्मका मुख्य कलाकार अनमोल केसी र सुहाना थापाकै नृत्य तथा अभिनय रहेको छ।

सुनिल कुमार थापा प्रोडक्सनको निर्माणमा बनेको फिल्म ‘ए मेरो हजुर ४’ लाई झरना थापाले निर्देशन गरेकी हुन्। फिल्मको कथा पनि झरना र स्वर्गीय छेतन गुरुङको रहेको छ।

फिल्मको पटकथा तथा संवाद भने थापा र गुरुङसँगै मन्दिप गौतम, बाबुराम दाहाल, प्याट्रिक पौडेल, उपकार पाण्डे, माधव शर्मालगायतले लेखेका छन्।

आर्यन अधिकारीको सहनिर्देशन तथा मित्र डि गुरुङको सम्पादन रहेको फिल्म आगामी नयाँ वर्षदेखि प्रदर्शनमा आउँदै छ। यसअघि सार्वजनिक भइसकेका ‘ए मेरो हजुर ४’ फिल्म श्रृङ्खलाअन्तर्गतकै यो चौंथो फिल्म रहेको छ।

हेर्नुहोस् ‘सुन्तला’ गीतको भिडियो :

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड