लक्ष्मणको ‘बुलाकी’मा सुरक्षाको ‘मार्मिक’ लुक्स

समाचार

नेपाल लाइभ बुधबार, फागुन २५, २०७८ १३:५७

काठमाडौं– लक्ष्मण सुनारको निर्देशनमा बनेको फिल्म ‘बुलाकी’को फर्स्ट लुक सार्वजनिक भएको छ। फिल्मको पोस्टर मंगलबार अन्तर्राष्ट्रिय महिला दिवसको अवसरमा सार्वजनिक भएको हो।

फिल्मको पोस्टरमा अभिनेत्री सुरक्षा पन्त पश्चिम नेपालको भेषभुषामा देखिएकी छिन्। पोस्टरमा एकल रुपमा देखिएका सुरक्षाको मार्मिक लुक्स समावेश छ। फिल्मका निर्देशक सुनारकाअनुसार फिल्ममा कर्णालीकी एक महिलाको भूमिकामा सुरक्षा देखिएकी छिन्।

फिल्ममा कर्णाली भेगकै जनजीवनको कथा समेटिएको छ। डोल्पा, जाजरकोट, रुकुमलगायतका क्षेत्रमा खिचिएको फिल्ममा नरेन्द्र खड्का, विराज विष्ट, प्रकाश कँडेललगायतका कलाकार मुख्य भूमिकामा छन्।

त्यस्तै, फिल्ममा कुलदीप अधिकारी, झलनाथ खत्री, सरस्वती खत्री, उपासना वाइबा, सोनु सेढाइँ, धनबहादुर राई, लक्ष्मण देवकोटालगायतका कलाकारको अभिनय रहेको छ।

मोती विष्टको प्रस्तुति रहेको फिल्म टोपेन्द्र विष्टको लगानीमा निर्माण भएको हो। छत्रेश्वरी म्यानेजमेन्ट प्रा.लिको ब्यानरमा निर्माण भएको फिल्मलाई शिव ढकालले खिचेका छन्।

फिल्मको निर्माण पक्षकाअनुसार आगामी केही दिनमा फिल्मको टिजर र प्रदर्शन मिति सार्वजनिक गरिनेछ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आगो बाल्दा वा विद्युतीय उपकरणको प्रयोग गर्दा सावधानी अपनाउनूस्ः स्वास्थ्य मन्त्रालय

मन्त्रिपरिषद् बैठक सुरु

अप्राकृतिक भएकै कारण अब ओली सरकार चल्दैन : अध्यक्ष प्रचण्ड