२ लाख २१ हजार रुपैयाँ नगदसहित दाङमा ११ जना 'जुवाडे' पक्राउ

सुरक्षा/अपराध

नेपाल लाइभ आइतबार, फागुन २२, २०७८ १६:०५

दाङ– २ लाख २१ हजार रुपैयाँ नगदसहित दाङ प्रहरीले ११ जना 'जुवाडे'लाई पक्राउ गरेको छ।

घोराही उपमहानगरपालिका– १५ स्वस्थानी टोल स्थित न्यू सुप्रिया होटल एण्ड लजबाट प्रहरीले जुवा खेल्दै गरेको अवस्थामा ११ जनालाई पक्राउ गरेको छ।

केही व्यक्ति उक्त होटलमा अबैध रुपमा जुवा खेलिरहेका छन् भन्ने सूचनाका आधारमा जिल्ला प्रहरी कार्यालय दाङबाट खटिएको टोलीले ११ जनालाई पक्राउ गरेको हो।

पक्राउ पर्नेमा होटल सञ्चालक अर्घाखाँचीको सन्धिखर्क– ८ बस्ने ५२ वर्षीय गोपाल बहादुर कुँवर, रोल्पाको रुन्टीगढी गाउँपालिका– ७ बस्ने ३४ वर्षीय सरोज पुन, सोही ठाउँका ३६ वर्षीय घनश्याम वली, दाङको घोराही उपमहानगरपालिका–५ बस्ने ३० वर्षीय कृष्ण बहादुर रावत र घोराही–१३ बस्ने ३९ वर्षीय मन बहादुर खड्का छन्।

यस्तै, दाङको घोराही उपमहानगरपालिका–१६ का ३५ वर्षीय रमेश बहादुर कुँवर, घोराही–१३ बस्ने ४५ वर्षीय खेमराज गिरी, घोराही–४ का ४२ वर्षीय काशिराम भट्टराई, घोराही–१५ का ५५ वर्षीय भुम बहादुर केसी, दाङको बबइ गाउँपालिका–६ का ३० वर्षीय युवराज केसी र प्यूठानको प्यूठान नगरपालिका–५ बस्ने २८ वर्षीय जीवन नेपालीलाई प्रहरीले जुवा खालबाट पक्राउ गरेको हो।

प्रहरीले उनीहरुको साथबाट नगद २ लाख २१ हजार ३०५ रुपैयाँ, जुवा खेल्न प्रयोग भएको ७ गड्डी तास लगायत बरामद गरिएको जानकारी दिएको छ।

पक्राउ परेका ११ जना विरुद्ध थप अनुसन्धान जारी रहेको जिल्ला प्रहरी कार्यालय दाङले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति