लागु औषध र हतियारसहित ललितपुरबाट १ जना पक्राउ

सुरक्षा/अपराध

नेपाल लाइभ शनिबार, फागुन २१, २०७८ १६:४०

काठमाडौं– अवैध लागु औषध मेथ-एम्फेटामाईन (आईस) जस्तो देखिने सेतो पदार्थ, भरुवा बन्दुक र एयर गनसहित ललितपुर प्रहरीले १ जनालाई पक्राउ गरेको छ। पक्राउ पर्नेमा माग्दी घर भइ ललितपुर महानगरपालिका–१० ज्वागल डेरा गरी बस्ने ४२ वर्षीय जोन भनिने रोहित शेरचन छन्।

शेरचनलाई अवैध लागु औषध मेथ-एम्फेटामाईन (आईस) जस्तो देखिने सेतो पदार्थ १३ ग्राम, भरुवा बन्दुक १ थान, एयर गन १ थान, नगद ९ हजार रूपैयाँ र १ थान मोबाइल सहित बिहीबार दिउँसो पक्राउ गरिएको प्रहरीले जानकारी दिएको छ।

ललितपुर महानगरपालिका-१० चाकुपाटमा खटिएको प्रहरीले बा ८५ प ५०१० नम्बरको मोटरसाइकल जाँच गर्ने क्रममा मोटरसाइकल चालक शेरचनलाई ३ ग्राम अवैध लागु औषध आईस जस्तो देखिने सेतो पदार्थ सहित फेला पारी पक्राउ गरेको थियो।

अनुसन्धानको क्रममा प्रहरीले उनको डेरा कोठा तलासी गर्दा थप १० ग्राम उक्त लागु औषध जस्तो देखिने पदार्थ, भरुवा बन्दुक र एयर गन फेला पारेको हो।

उनीउपर जिल्ला अदालत ललितपुरबाट ५ दिनको म्याद थप अनुमति लिइ आवश्यक अनुसन्धान कार्य अगाडि बढाइएको महानगरीय प्रहरी परिसर ललितपुरले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति