पोखराका होटलहरुमा महिलालाई जबरजस्ती वेश्यावृतिमा लगाउने ३ जना पक्राउ

सुरक्षा/अपराध

नेपाल लाइभ शुक्रबार, फागुन २०, २०७८ १८:४६

काठमाडौं– पोखराका होटलमा महिलाहरुलाई वेश्यावृतिमा लगाउने गरेको आरोपमा कास्की प्रहरीले ३ जनालाई पक्राउ गरेको छ।

जिल्ला प्रहरी कार्यालय कास्कीले फागुन १५ गते ३ जनालाई पक्राउ गरी मानव बेचबिखन अन्तर्गतको कसूरमा अनुसन्धान अघि बढाएको छ।

पक्राउ पर्नेहरुमा पोखरा–७ मुस्ताङका ३० वर्षीय नारायण पोखरेल, सिन्धुलाप्चोकको चौतारा–६ की २२ वर्षीया पूजा थापा मगर र बाँकेको चिसापानी–९ का २२ वर्षीय विशाल योगी छन्।

उनीहरुले पोखराको लेकसाईडमा कोठा भाडामा लिइ तथा फोन सम्पर्कको आधारमा विभिन्न होटेलहरूमा महिलाहरूलाई जबरजस्ती वेश्यावृत्ति कार्यमा लगाउने गरेको प्रहरीले जनाएको छ ।

पक्राउ परेका तीनै जनाविरुद्ध मानव बेचबिखन तथा ओसार पसारको कसूरमा कास्की जिल्ला अदालतबाट ८ दिनको म्याद लिइ थप अनुसन्धान प्रक्रिया अगाडि बढाइएको प्रहरीले जानकारी दिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

घट्यो पेट्रोलियम पदार्थको मूल्य, कुनमा कति ?

एकैपटक देशभर किन भयो विद्युत् अवरुद्ध?

रेशम चौधरी पक्राउ प्रकरण : विष्टलाई थप दुई दिन हिरासतमा राख्न अनुमति