फाइल तस्बिर
काठमाडौं– त्रिभुवन अन्तर्राष्ट्रिय विमानस्थलको धावनमार्ग परीक्षणका लागि भइरहेको यान्त्रिक परीक्षण उडान ‘क्यालिब्रेशन फ्लाइट’ तत्कालका लागि सकिएको छ। बिहीबार र शुक्रबार गरी दुई दिन भएको उक्त फ्लाइटका कारण अन्य उडानहरु प्रभावित हुँदै आएका थिए।
शुक्रबार पनि दुई घण्टा क्यालिब्रेशन फ्लाइट भएको थियो। क्यालिब्रेशन फ्लाइटका बेला दुई घण्टासम्म नियमित उडान र अवतरण हुन सकेको थिएन। अहिले भने आजका लागि त्रिभुवन अन्तर्राष्ट्रिय विमानस्थलको क्यालिब्रेशन फ्लाइट सकिएको विमानस्थलका निर्देशक प्रेमनाथ ठाकुरले बताए।
उनले भने, 'क्यालिब्रेशन फ्लाइटका कारण केही समय जहाज अडान र अवतरणमा केही कठिनाइ भई आकासमै होल्ड गराएका थियौँ, केही जहाज अवतरण गराएका थियौँ, आजलाई सकिएको छ, अब सिमरामा हुन्छ।' करिब दुई घण्टा भएको उक्त क्यालिब्रेशन फ्लाइटका कारण शुक्रबार बिहान ११:३० देखि १:३० बजेसम्म धेरै जहाज आकासमै होल्ड भएका थिए भने सो अवधिमा आन्तरिक तथा अन्तर्राष्ट्रिय उडान हुने जहाजलाई आकासमै होल्ड गरिएको थियो।
क्यालिब्रेशन फ्लाइट सकिएका कारण आकासमै होल्ड भएका जहाजहरु अहिले अवतरण भएका ठाकुरले जानकारी दिए। ठाकुरका अनुसार अहिले आन्तरिक तथा अन्तर्राष्ट्रिय उडानहरु नियमित भएका छन्।
क्यालिब्रेशन फ्लाइटका लागि आएको जहाज भने अझै केही दिन नेपालमै रहने छ। केही दिनपछि समय हेरेर पुनः त्रिभुवन अन्तर्राष्ट्रिय विमानस्थलमा क्यालिब्रेशन फ्लाइट गरिने निर्देशक ठाकुरले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1786513116.png)
