काठमाडौं– नेकपा एमालेले एमसीसीकाे व्याख्यात्मक घोषणा जनतालाई भ्रमित पार्ने र केही नेताको लत्रिएको जुँगा ठाडो पार्ने बाहेक अरु केही नभएकोे टिप्पणी गरेको छ। एमालेले पत्रकार सम्मेलन गर्दै यस्तो टिप्पणी गरेको हो।
एमसीसी अनुमाेदन भएपछि आफ्नो धारणा स्पष्ट पार्दै एमालेले आफूहरुलाई उक्त छलफलमा भाग लिन सत्ता गठबन्धनले नदिएको आरोपसमेत लगाएको छ। एमाले एक विज्ञप्तिमार्फत एमसीसी विकास परियोजना भएको तर सत्ता गठवन्धनका दलले नै भ्रामक प्रचार र विशाक्त बनाएको आरोप एमालेले लगाएको छ। ‘एमसीसी प्रतिनिधि सभाबाट अनुमोदन भएको छ। यसका विरुद्ध थालिएको निहीत स्वार्थसहित कुप्रचारको कदम समाप्त भएको छ,’ उपमहासचिव प्रदिप ज्ञवालीले भने, ‘सत्ता गठबन्धनका केही अज्ञानता र गैरजिम्मेवारीपन प्रकट भएको छ। केही नेताहरुको दोधारे र छेपारे शैलीका कारण यो समस्या आएको थियो।’
एमालेलाई बेलमा राखेर यस्तो संवेदनशील कार्य भएको भन्दै उनले विगतमा संविधानको अनुसूचीमा समेट्ने कुरा एमालेले सबै दललाई एक ठाउँमा राखेको तर एमसीसीमा प्रधानमन्त्रीले सर्वसहमति गर्न नसकेको आरोप उनले लगाए। ‘संसदमा जारी गरेको अवरोधलाई बलविच्याइ गर्ने सभामुखको कार्य गलत रहेको छ। सुरुमा एमसीसी पेस गर्न परे पद नै छोड्ने भनेको तर पछि सभामुखले एम्पायरको भूमिका गर्छु भनी बोली फेर्नुभयो,’ उनले भनेऽ ‘सभामुखको भूमिकाले थप गतिरोध सिर्जना गरेको र सभामुख उक्त भुमिकाका लागि योग्य नभएको पुष्टि भएको छ। ’
जनतालाई भ्रम र विषाक्त गराउने कार्य सत्ता गठबन्धनको पार्टीले गराएको भन्दै उनले त्यसलाई फेस सेभिङका लागि व्याख्यात्मक घोषणा गरेको आरोप लगाए। छ वटा हर्कत माओवादीलगायतका सत्तारुढ दलहरुले गरेको भन्दै एमालेले सडकमा कार्यकर्ता उतार्ने अनि सत्तामा रहेर एमसीसी पास गर्ने कार्य भएको आरोप लगाएको छ। शाकाहारीले खोलाको माछा खान हुँदैन अन्यत्रको हुन्छ भन्दै व्याख्यात्मक घोषणा पारित गरेको एमालेको तर्क थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
