काठमाडौं– नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले एमसीसी आफ्नै सरकार भएको समयमा ल्याएको र यसबाट खुशी समेत भएको बताएका छन्।
एमसीसीमाथि लामो बहस र विवादपछि आइतबार प्रतिनिधि सभाले व्याख्यात्मक घोषणासहित अनुमोदन गरेपछि सोमबार खुमलटारमा पत्रकार सम्मेलन गर्दै उनले यस्तो टिप्पणी गरेका हुन्।
उनले नेकपा सरकार हुँदा एमसीसी आईपीएसको अंग भएको कुरा आएपछि विवादित भएको दाबी गरे। ‘दुई/दुई पटकको प्रतिनिधि सभा विघटनमा लामो संर्घष गरेर प्रतिगमनलाई परास्त गर्यौंँ। गठबन्धनको सरकार बनायौं। तर, त्यसपछि एमसीसी विवादित बनाएर ममाथि धेरै प्रहार भयो’, उनले भने ‘हिजोबाट अहिलेका लागि सबै अन्योल अन्त्य भएको छ। गठबन्धन रहन्छ।’
उनले एमसीसी अस्वीकार गर्ने कुनै पनि नीति आफूले नलिएको दाबी गरे। उनले एमसीसी यही रुपमा स्वीकार गर्न नसकिने तर यसलाई परिमार्जन गर्न सकिने कुरा गरेको बताए।
‘एमसीसी हाम्रै सरकार भएको समयमा सुरु भएको हो। त्यसपछि विभिन्न समय हुँदै नेकपाको सरकार भएको समयमा विवादित भएको हो’, उनले भने, ‘सुरुमा नेपालले यत्रो पैसा पाउने कुरामा खुसी भएका थियौं। तर, नेकपाको सरकार भएपछि अलि गम्भीर रुपमा आयो जुन समयमा यसलाई आईपीएसको अंग भनियो। विवाद भयो।’
प्रचण्डले तत्कालीन परराष्ट्रमन्त्री प्रदीप ज्ञवाली अमेरिका भ्रमण गएपछि नेपाल पनि आईपीएसको अंग भएको भनी प्रचार गर्दा समस्या आएको बताए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1787821306.jpg)
-1786513116.png)
